नेपाल लाइफ इन्स्योरेन्सले इटहरीको दुर्गा पार्टी प्यालेसमा एक दिवसीय अभिकर्ता प्रशिक्षण कार्यक्रम हिजो (चैत १२ गते) सम्पन्न गरेको छ।

अन्तराष्ट्रिय प्रशिक्षकद्वारा प्रशिक्षण दिइएको यस कार्यक्रममा कोशी प्रदेश र मधेश प्रदेशबाट ५०० जनाभन्दा अभिकर्ता तथा एजेन्सी म्यानेजरहरूको सहभागिता रहेको थियो ।

कार्यक्रमको शुभारम्भ पानसमा दीप प्रज्वलन गरी नायब प्रमुख कार्यकारी अधिकृत अमित कुमार कयालले गरे।

उक्त कार्यक्रममा विशेष कारणबस देशबाहिर रहेका यस कम्पनीका प्रमुख कार्यकारी अधिकृत प्रवीण रमण पराजुलीले भर्चुअली उपस्थित भई अभिकर्ताहरूलाई स्वागत गर्दै यस किसिमको कार्यक्रमले उहाँहरूको सिकाईमा थप टेवा पुग्नेमा आफू विश्वस्त रहेको बताए।

यसले उनीहरूको व्यक्तित्व विकासमा सहयोग पुर्‍याउनुका साथ साथै व्यवसाय विस्तारका लागि समेत उपयोगी सीपहरू विकास गर्न सहज हुने कुरा जाहेर गरे। 

'सुरक्षा, बचत र पेन्सनको साथ, सुनौलो भविष्यको सुरुवात' भन्ने नाराका साथ नेपाल लाइफ इन्स्योरेन्स कम्पनीले भर्खरै सार्वजनिक गरेको 'नेपाल लाइफ सुनौलो भविष्य  जीवन बीमा योजना' एकदमै आकर्षक र प्रतिस्पर्धी रहनुका साथसाथै सम्पूर्ण सरोकारवालाहरूको हितमा रहेकाले यसको अधिकतम लाभ उठाउन समेत प्रमुख कार्यकारी अधिकृत प्रवीण रमण पराजुलीले आग्रह गरे। 

उक्त कार्यक्रमका सहभागीहरूलाई प्रशिक्षण दिनका लागि भारत मुम्बईबाट जीवन बीमाका अन्तर्राष्ट्रिय ख्यातिप्राप्त प्रशिक्षक तथा सफल जीवन बीमा अभिकर्ता विजय कुमार झा उपस्थित थिए। 

कार्यक्रममा उपस्थित अभिकर्ता महानुभावहरूलाई धन्यवाद ज्ञापन गर्दै यस कयालले आगामी दिनमा समेत कम्पनीले अभिकर्ताहरूको सीप विकास तथा मनोबल अभिवृद्धि लागि विभिन्न कार्यक्रम संचालन गर्ने बताए।

अभिकर्ताहरूको घर दैलोमा तालिम प्रदान गर्न पाउदा आफु खुशी भएको बताए।