नेकपा एमालेका अध्यक्ष केपी शर्मा ओलीले देशको अर्थतन्त्र ओरालो लागेको र समाज अधोगतीतर्फ लागेको भन्दै चिन्ता व्यक्त गरेका छन् ।

गन्तव्यहीन बनेको सरकारले देशका समस्याको समाधान गर्न नसक्ने ओलीले दाबी गरे । 

रिर्पोटर्स क्लबले बिहीवार काठमाडौंमा आयोजना गरेको कार्यक्रमलाई सम्बोधन गर्दै गर्दै ओलीले कृत्रिम र अप्राकृतिक सरकारले देशका समस्या समाधान गर्न नसक्ने बताएका हुन् ।

‘देशको स्थिति झन झन् बिग्रिँदै गएको छ, यस्तो स्थितिमा राजनीतिक विश्वसनियताको डिफिसिट भएको छ । त्यसको प्यारामिटर तल झरेको झर्‍यै छ । देशको अर्थतन्त्र ओरालो, समाज अधोगतितर्फ लाग्दैछ’, ओलीले भने, ‘हाडछाला मात्र रहेको देशबाट लामखुट्टेले चुसेजस्तै सिरिञ्ज निकालेर रगत निकाल्न खोजिएको छ ।’ 

ओलीले देशको समस्या समाधानका लागि राजनीतिको कोर्स करेक्सन जरुरी रहेको बताए ।

‘देशका समस्या समाधानका लागि पोलिकिटल करेक्सन आवश्यक छ, अहिले भएको कोर्स डिस्टक्सन हो । नयाँ परिस्थितिका लागि कोर्स करेक्सन हुन जरुरी छ’, ओलीले भने ।