मन्त्रिपरिषद् विस्तारमा कांग्रेसले पाएको ८ मन्त्रालयमा मन्त्रीको लगभग टुंगो लागेको छ । ​ कांग्रेसबाट उपप्रधानमन्त्रीसहित रक्षाको नेतृत्व गरेर उपसभापति पूर्णबहादुर खड्का सरकारमा सहभागी हुँदैछन् । 

अर्थमा प्रवक्ता डा. प्रकाशशरण महत जाँदैछन्। परराष्ट्र रमेश रिजाल, सामान्य प्रशासन धनराज गुरूङ, कानुनमा डीगबहादुर लिम्बू, स्वास्थ्यमा मोहन बस्नेत, शहरी विकासमा एनपी साउद, भूमि व्यवस्थामा सीता गुरूङ मन्त्री बन्ने चर्चा छ । 

यद्यपि गृह नपाएपछि कांग्रेसबाट खड्का परराष्ट्रमा जाने चर्चा चलेको थियो । तर गृह, अर्थ र परराष्ट्रको चर्चाबीच उनी कांग्रेसबाट नेतृत्व गर्दै रक्षामा तयार भएको बताइन्छ । 

परराष्ट्रमा उदयशमशेर राणाको चर्चा भए पनि बाग्मतीबाट मोहनबहादुर बस्नेत मन्त्री बन्ने भएपछि राणा रोकिनुपर्ने देखिएको हो ।

सुदूरपश्चिमबाट वीरबहादुर बलायर र बद्री पाण्डे मन्त्रीका लागि दाबेदार भए पनि एनपी साउद मन्त्री बन्दैछन् ।