नेपाल वायु सेवा निगमले वाइडबडी विमान खरिद गर्न कर्मचारी संचय कोषसँग लिएको १२ अर्ब ऋणको ब्याज निगमले नतिर्दा साँवा रकम बढेर १४ अर्ब १५ करोड रुपैयाँ पुगेको छ ।

महालेखा परीक्षकको कार्यालयले बिहीवार आर्थिक वर्ष २०७८/०७९ को ६० औं वार्षिक प्रतिवेदन सार्वजनिक गरेको छ। 

'यसरी बढेको रकम खाम्ने गरी नेपाल सरकारको जमानत प्राप्त गर्न कोषले आवश्यक पहल गरेको छैन । ठूला र दीर्घकालीन परियोजनाहरूमा लगानी गर्दा विस्तृत अध्ययन, जोखिम विश्लेषण, व्यावसायिक योजनाको मूल्यांकनपश्चात् मात्र कर्जा प्रवाह गर्नुपर्नेमा सो नगरेकाले कोषको कर्जा असुलीमा जोखिम वृद्धि भएको छ,' प्रतिवेदन उल्लेख छ ।