नेपाली कांग्रेसको केन्द्रीय अनुशासन समितिले २०७४ र २०७९ सालका निर्वाचनमा कारवाहीमा परेका तनहुँ, चितवन र बाराका नेता–कार्यकर्ताको कारवाही फुकुवा गरेको छ ।

समितिका संयोजक आनन्दप्रसाद ढुंगानाले मंगलवार प्रेस विज्ञप्ति जारी गर्दै आजैकै मितिदेखि लागू हुने गरी कारवाही फुकुवा गरिएको जानकारी दिएका छन् ।

कारवाही फुकुवा भएका सबैले वैशाख १० गते हुने प्रतिनिधिसभा उपनिर्वाचनमा तनहुँ–१ मा पार्टीका उम्मेदवार गोविन्द भट्टराई, चितवन–२ मा पार्टीका उम्मेदवार जीतनारायण श्रेष्ठ र बारा–२ मा पार्टीले समर्थन गरेका उम्मेदवार उपेन्द्र यादवलाई विजयी गराउनका लागि सक्रियतापूर्वक क्रियाशील रहन विज्ञप्तिमार्फत अनुरोध गरिएको छ ।