राष्ट्रिय स्वतन्त्र पार्टी (रास्वपा) सभापति रवि लामिछानेले नेपाली कांग्रेसका महामन्त्री गगनकुमार थापासँग ३२ वर्षसम्म देशलाई गरीबीमा राख्ने पार्टीलाई किन भोट हाल्ने भनेर प्रश्न गरेका छन् । 

केही दिन पहिले चितवनमा आयोजित कार्यक्रममा कांग्रेस महामन्त्री थापाले मनमा हरि हुने कांग्रेसले रुखमा मात्र भोट हाल्ने बताएका थिए । 

बिहीवार चितवनको भरतपुरमा आयोजित चुनावी सभालाई सम्बोधन गर्दै लामिछानेले गगनप्रति जवाफ फर्काएका हुन् । ‘केही नेताले मनमा हरि सम्झेर भोट हाल्नु भनेछन्, हो त्यही हरि सम्भेर भोट हाल्नुहोला, जसले ३२ वर्षदेखि तपाईंहरूलाई गरीब बनाएका छन् । जसले नेपालका बिरुवालाई खाँडीको मुलुकमा पठाएका छन् । किसानका आँखामा आँसु कसले बनायो ?’ लामिछानेले भने ।