गण्डकी प्रदेशका मुख्यमन्त्री खगराज अधिकारले माओवादीसँग विश्वासको मत मागेका छन् । 

उनले विश्वासको मत बोलाइएको प्रदेशसभाको बैठकमा अधिकारीले आफैंले बनाएको सरकारलाई सहयोग गर्न माओवादीसँग आग्रह गरेका हुन् । 

‘यो सरकार माओवादी आफैंले निर्माण गरेको हो । यसैले सरकारलाई सहयोग गर्ने दायित्वय माओवादीको पनि हो’ अधिकारीले भने, ‘सरकार निर्माण गर्दा हामीले सहकार्यको प्रतिवद्धता गरेका थियौं । यसको कार्यान्वयन गर्न अनुरोध गर्छु । कुनै कारणविना अस्थिरता सिर्जना गर्ने विषय राजनीतिक, नैतिकता, व्यवहार, आचरण र सिद्धान्तभित्र पर्दैन ।’ 

माओवादीले समर्थन फिर्ता लिएपछि अल्पमतमा रहेका अधिकारीले विश्वासको मत मागेका हुन् । 

गण्डकी प्रदेशसभामा कांग्रेसका २७, एमालेका २२, माओवादी केन्द्रका आठ (सभामुखसहित), राप्रपाका दुई र एक स्वतन्त्र सदस्य छन् । मुख्यमन्त्री अधिकारी विश्वासको मत प्राप्त गर्न नसके स्वतः पदमुक्त हुनेछन् ।

त्यसपछि ठूलो दलको रुपमा कांग्रेसले मुख्यमन्त्री पाउनेछन् । तर मुख्यमन्त्रीमा रुपमा नियुक्त भएको एक महिनामा विश्वासको मत लिनुपर्ने हुन्छ । वर्तमान सरकार ढलेपछि संवैधानिक व्यवस्था अनुसार नयाँ सरकार गठनको प्रक्रिया अगाडि बढ्नेछ ।