१० वैशाखमा भएको प्रतिनिधिसभा उपनिर्वाचनमा चितवन २ बाट तीन दलका तीन युवा नेता प्रतिस्पर्धामा छन् । 

आइतबार निर्वाचन भएपछि सोमबार दिउसो १ बजेबाट मतगणना हुँदै छ । 

तीन घण्टा लामो सर्वदलीय बैठकपछि १ बजेदेखि मतगणना गर्ने सहमति जुटेको थियो । सहमति जुटेपछि तीन यूवा नेताले मतगणनास्थलमा संयुक्त रुपमा फोटो खिचाएका हुन् । 

उम्मेदवार रहेका राष्ट्रिय स्वतन्त्र पार्टीका रवि लामिछाने, कांग्रेसका जीतनारायण श्रेष्ठ र एमालेका रामप्रसाद न्यौपानेले सँगै फोटो खिचाएका हुन् ।

यी तीन नै यो क्षेत्रमा प्रमुख प्रतिस्पर्धी हुन् । 

४ मंसिरमा रवि लामिछाने यो क्षेत्रबाट ३५ हजार मतान्तरले जित्न सफल भएका थिए । तर नागरिकता प्रकरणमा उनको सांसद पद खारेज भएपछि उपनिर्वाचन भएको हो । 

तनहुँमा रास्वपाले भारी अग्रता लिएबाट रवि पनि जित्नेमा उत्साही देखिन्छन् । 

स्थानीय उम्मेदवार भएकाेले कांग्रेस र एमालेले पनि यस अघिभन्दा यसपटक भाेट बढाएर चुनाैती दिने बताउँदै अाएका छन् ।