राष्ट्रिय स्वतन्त्र पार्टी (रास्वपा)का सांसद ढाकाकुमार श्रेष्ठ पदमुक्त हुने भएका छन् ।

राजनीतिक दलले दिएको निवेदनको आधारमा सभामुखले संसदमा सूचना सुनाएपछि सांसद श्रेष्ठ पदमुक्त हुनेछन् ।​​

मंगलवारको संसद् बैठकमा सभामुख देवराज घिमिरेले राजनीतिक दलसम्बन्धी ऐन २०७३ को दफा ३४ (१) बमोजिम दलबाट निष्कासन गरिएको सूचना जानकारी गराउने संसद सचिवालयले जनाएको छ ।​

स्वास्थ्यमन्त्री बन्नका लागि व्यवसायी दुर्गा प्रसाईंसँग २ करोड रुपैयाँ मागेको अडियो सार्वजनिक भएपछि रास्वपाले समानुपातिक सांसद श्रेष्ठलाई गएको चैत ३० गते साधारण सदस्यसमेत नरहने गरी कारबाही गरेको थियो ।