एमालेले कोशी प्रदेशका विभिन्न जिल्लामा अध्यक्ष केपी ओलीमाथि राज्य संरक्षित आक्रमणको प्रयास भएको दाबी गरेको छ । पत्रकार सम्मेलन गर्दै उपमहासचिव विष्णु पौडेलले कोशी प्रदेशका विभिन्न जिल्लामा एमालेका अध्यक्ष र नेतामाथि सम्भावित आक्रमण जानकारी प्रशासनलाई दिइए पनि लाचार बनेको आरोप लगाएका हुन् । 

‘कोशीको तीन चार ठाउँमा अध्यक्ष केपी ओली र संविधानसभा अध्यक्ष सुवास नेम्वाङ जानुभएको थियो । १३ गते अध्यक्ष झापा पुग्दा अवाञ्छित तत्वले ढुंगामुढा गरियो । हामीले यस्तो हुँदैछ है भनेर भेउ पाएर प्रशासनलाई गुहारेका थियौं । शुरुमा एक्सिडेन्टल भएको हो कि भन्ने पनि भएको थियो’ रिमालले भने, ‘तर माओवादीका कार्यकर्ता आक्रमणमा उत्रिएको सूचना पायौं । अध्यक्ष इलामा जाँदा पनि बाटोमा अवरोध गरियो । फर्केर आउँदा ढुंगा राखेर छेक्ने काम भयो । प्रशासनलाई जानकारी गराउँदा पनि रोक्न सकेन । उच्छृङ्खल गतिविधि भए । तर ठूलो नेतालाई ढुंगामुढा गर्ने, एमालेको राम्रो पकड भएको ठाउँमा अवरोध गरियो । राज्यबाट संरक्षित घटना घटाउँदा अन्योल बनाएको छ ।’ 

यस्ता गतिविधिप्रति सचेत भएर कदम चाल्न उनले प्रधानमन्त्रीको ध्यानाकर्षण गराएका छन् ।