डिप्रोक्स लघुवित्तले आदर्श लघुवित्तलाई प्राप्ति (एक्विजिशन) गर्ने भएको छ ।

यो प्राप्तिसँगै आगामी असार १ गते शुक्रवारबाट ‘डिप्रोक्स लघुवित्त वित्तीय संस्था लिमिटेड’को नामबाट एकीकृत कारोबार हुने नेपाल राष्ट्र बैंकले जनाएको छ ।

राष्ट्र बैंकले बुधवार जारी गरेको सूचनाअनुसार बैंक तथा वित्तीय संस्था एक आपसमा गाभ्ने गाभिने (मर्जर) तथा प्राप्ति (एक्विजिशन)सम्बन्धी विनियमावली, २०७३ (पाँचौं संशोधन, २०७९)’ को विनियम ११ को उप – विनियम (७) बमोजिम डिप्रोक्स र आदर्श एक भएका हुन् ।

‘बैंकको सञ्चालक समितिको निर्णयअनुसार इजाजतपत्रप्राप्त संस्था डिप्रोक्स लघुवित्त वित्तीय संस्था लिमिटेडले आदर्श लघुवित्त वित्तीय संस्था लिमिटेडलाई प्राप्ति (एक्विजिशन) गरी साविकको संस्थाको सम्पूर्ण सम्पत्ति तथा दायित्व आफूमा सर्ने गरी दुवै संस्थाबाट सञ्चालन हुँदै आएको सम्पूर्ण वित्तीय कारोबार एकीकृत रूपमा मिति २०८०/०३/०१ गते शुक्रवारका दिनदेखि ‘डिप्रोक्स लघुवित्त वित्तीय संस्था लिमिटेड’ को नामबाट सञ्चालन गर्ने भएको छ’ राष्ट्र बैंकद्वारा जारी सूचना भनिएको छ ।