नेपाल प्रहरीका विभिन्न पदमा  बढुवा नियुक्ति भएको छ । प्रहरी प्रधान कार्यालयका अनुसार प्रहरी नायव निरीक्षक पदबाट प्रहरी वरिष्ठ नायव निरीक्षक पदमा एक जनाको बढुवा नियुक्ति भएको छ ।

यस्तै दुई जनाको प्रहरी सहायक निरीक्षकबाट प्रहरी नायव निरीक्षक पदमा बढुवा नियुक्ति भएको छ । प्रहरी महानिरीक्षकको आइतबारको निर्णयअनुसार उनीहरुको बढुवा नियुक्ति भएको हो । 

यसैगरी प्रहरी सहायक हवल्दारबाट हवल्दार पदमा पाँच जनाको बढुवा भएको छ । 

यसैगरी प्रहरी जवान पदबाट प्रहरी सहायक हवल्दार पदमा पनि अर्का एक जनाको बढुवा नियुक्ति भएको छ । 

बढुवा भएका सबैलाई सम्बन्धित कार्यालयहरुमा दर्ज्यानी चिह्नद्वारा सुशोभन गराउन आवश्यक निर्देशन प्रहरी प्रधान कार्यालयले दिएको छ ।