नक्सालस्थित बालमन्दिरको जग्गा हिनामिना प्रकरणमा नेपाल प्रहरीको केन्द्रीय अनुसन्धान ब्यूरो (सीआईबी)ले औपचारिक अनुसन्धान शुरू गरेको छ ।

नेपाल बाल संगठनकी तत्कालीन अध्यक्ष रितासिंह वैद्य, उपाध्यक्ष तुलसी नारायण श्रेष्ठ, महासचिव गणेशभक्त श्रेष्ठलगायतविरुद्ध जाहेरी परेपछि अनुसन्धान थालिएको सीआईबी प्रवक्ता एसपी होबिन्द्र बोगटीले लोकान्तरलाई जानकारी दिए ।​

बालमन्दिरको जग्गा व्यावसायिक प्रयोजनका लागि भाडामा लगाउँदा अनियमितता गरेकोमा विषयमा छानबिनका लागि आरोपीलाई पक्राउ गर्न काठमाडौं जिल्ला अदालतबाट पुर्जी लिएर अनुसन्धान थालिएको छ ।

बृहस्पति विद्या सदन नक्सालका ८ जनामाथि अनुसन्धान थालिएको सीआईबीले जनाएको छ ।

*सीआईबीले अनुसन्धान थालेको हुनुपर्नेमा अन्यथा भएकोमा सच्याइएको छ ।