नेकपा एकीकृत समाजवादीको केन्द्रीय सचिवालय बैठक आज पनि बस्दैछ ।

आज मंगलवार बिहान ९ बजे सचिवालय बैठक बस्ने केन्द्रीय प्रचार विभाग प्रमुख जगन्नाथ खतिवडाले जानकारी दिए ।

पार्टी अध्यक्ष माधवकुमार नेपालको अध्यक्षतामा पुष्पलाल स्मृति प्रतिष्ठानमा शुक्रवारदेखि शुरू भएको बैठकमा नेताहरूले धारणा राख्ने क्रम जारी रहेकाले सोमवारको बैठक मंगलवार पुनः बस्ने गरी स्थगित भएको थियो ।

बैठक समसामयिक घटनाक्रम, संगठन सुदृढीकरण अभियानको समीक्षा र वैचारिक नीतिमा केन्द्रित छ ।

पार्टी परित्याग गरी गएका केही नेताका कारण रिक्त पदहरूमा मनोनित गर्ने विषयमा मंगलवार छलफल गरिने जनाइएको छ । पार्टीमा केही उपाध्यक्ष सहितका पदाधिकारी तथा बागमती र लुम्बिनी प्रदेशमा इन्चार्ज पद रिक्त छ ।