सत्तारुढ दल नेपाली कांग्रेसको केन्द्रीय कार्यसमितिको बैठक आज बस्दैछ ।

पार्टी केन्द्रीय कार्यालय सानेपामा दिउँसो १ बजेदेखि बैठक बस्दैछ ।

बैठकका लागि १० प्रस्ताव तय गरिएको महामन्त्री विश्वप्रकाश शर्माले जानकारी दिए । सोमवार बसेको पदाधिकारी र पूर्व पदाधिकारीको बैठकले प्रस्ताव तयार गरेको हो ।

बैठकका प्रस्तावमा समसामयिक राजनीतिक घटनाक्रम, सांगठनिक कार्ययोजना, राष्ट्रव्यापी अभियानको घोषणा, कार्यसम्पादन समिति बैठकका निर्णय अनुमोदन, निर्वाचन परिचालन समितिको प्रतिवेदन, नीति अधिवेशन, विभाग गठन, अनुशासन समितिको प्रतिवेदन पेश, संसदीय दलको समीक्षा र संघ, प्रदेश र स्थानीय सरकारको समीक्षा रहेका छन् ।