सरकारले देशभर रोकिएको जग्गाको कित्ताकाट फुकाउने निर्णय गरेको छ ।

प्रधानमन्त्री तथा मन्त्रिपरिषद्को कार्यालय सिंहदरबारमा मंगलवार बसेको मन्त्रिपरिषद् बैठकले भूउपयोग नियमावली पास गर्दै कित्ताकाट फुकाउने निर्णय गरेको हो । 

भौतिक पूर्वाधार तथा यातायात मन्त्री प्रकाश ज्वालाले जग्गाको कित्ताकाट फुकाउने निर्णय भएको जानकारी दिए । ‘भूउपयोग नियमावली मन्त्रिपरिषद्बाट पास भएको छ । कित्ताकाटका अप्ठ्यारा र समस्याबाट सबै मुक्त हुने निर्णय भएको छ,’ मन्त्री ज्वालाले भने । 

३ वर्ष अघिदेखि कित्ताकाट रोकिएको थियो । वर्तमान सरकारले ३ महिनाअघि पनि नीतिगत निर्णय गरे पनि नियमावली नबन्दा कित्ताकाट सहज हुन सकेको थिएन ।