×

बस टिकटमा कालोबजारी

विमानस्थलमा झरेलगत्तै ठगिन्छन् दशैं मान्न फर्किनेहरू, ट्याक्सीदेखि काउन्टरसम्म सेटिङ

काठमाडाैं | असोज १५, २०८०

सप्तरीका सद्दाम मियाँ (नाम परिवर्तन) वैदेशिक रोजगारीबाट शनिवार नेपाल फर्किए । कतार एयरलाइन्समार्फत काठमाडौंस्थित त्रिभुवन अन्तर्राष्ट्रिय विमानस्थलमा ओर्लिएका उनी बाहिर निस्किनेबित्तिकै ठगिए ।

कतारमा २ वर्ष काम गरेपछि ३५ दिनका लागि बिदामा स्वदेश फर्किएका उनलाई विमानस्थलबाट तिलगंगा आँखा अस्पतालसम्म ल्याउन हरियो प्लेटको ट्याक्सीले ५ सय रुपैयाँ भाडा लियो ।


Advertisment

नजिकै पनि किन यति महंगो भनेर प्रतिवाद गर्दा उल्टै गाली खानुपरेको उनले सुनाए ।


Advertisment

होटल लगिदिन्छु भनेका ट्याक्सी चालकले सिधै तराईको रुटमा चल्ने गाडीको टिकट काउन्टरमा पुर्‍याइदिएका रहेछन् ।

एकदिन थकान बिसाएर मात्र घर फर्किने मनस्थितिमा रहेका उनलाई काउन्टरमा गाडीवालाहरूले तानातान गर्न थाले । गाडी हिँड्नै लाग्यो भनेर जबरजस्ती गर्न थाले ।

परिवारका सदस्यलाई लत्ताकपडा र केही सामान किनेर घर जाने उनको योजना नै अलपत्र पर्‍यो । यहाँसम्म कि उनले आफूलाई लिन भनेर आएको भाइलाई समेत भेट्न पाएका रहेनछन् ।

‘सर मैले भाइलाई समेत भेट्न पाएको छैन । यिनीहरूले यसरी यहाँ ल्याए कि के गर्ने, के नगर्ने अत्तोपत्तो पाइनँ । १ किलोमिटरभित्रै ट्याक्सीले ५ सय रुपैयाँ भाडा लियो,’ गौशालास्थित तिलगंगा संयुक्त बुकिङ काउन्टरअगाडि फेला परेका सद्दामले लोकान्तरसँग भने, ‘मलाई लिन आएको भाइलाई पनि भेट्न पाएको छैन ।’

लगेजसहित सद्दाम र अर्का एक नेपाली

काउन्टरमा आइपुगिहालियो, भोलिका लागि टिकट काट्छु भनेर उनले भाडा सोधे । अघि तानातान गर्ने व्यक्तिहरू पनि काउन्टरमै थिए । 

उनले राजविराजका लागि २ वटा टिकटको शुल्क सोधेका थिए । काउन्टरमा रहेका व्यक्तिहरूले एक जनाको १७ सय र लगेजको छुट्टै ३ सय रुपैयाँ लाग्ने बताए ।

यतिबेलासम्म उनको भाइ पनि आइपुगिसकेका थिए । भाइले प्रतिवाद गरे, ‘हिजो मात्र म १२ सय रुपैयाँमा आएको, अहिले कसरी १७ सय भयो ?’

काउन्टरमा बसेका व्यक्तिले थर्काए, ‘धो.. बढ्ता बोल्छस्, कुटिदिऊँ !’

उनीहरूको केही लागेन, लफडा गर्नुभन्दा चुपचाप पैसा तिरेर हिँड्नु बेस भन्ने ठानेर २ वटा टिकटको ३४ सय रुपैयाँ र लगेजको ३ सय गरी ३७ सय रुपैयाँ तिरेर बाहिर निस्किए ।

टिकटमा भाडादर नबुझिने गरी लेखिएको थियो ।

तिलगंगामा सञ्चालित अर्को एक काउन्टर

आफूले भाडा बुझिएन नि भन्ने प्रश्न गर्दा ‘तैँले बुझ्नुपर्छ र, गाडीवालाले बुझिहाल्छ नि,’ भन्ने जवाफ फर्काएको सद्दामका भाइले बताए ।

काठमाडौंबाट रुपनी हुँदै राजविराजसम्मको सरकारी भाडादर १ हजार २९० रुपैयाँ छ । तर, विदेशबाट फर्किने यात्रुहरूलाई ट्र्यापमा पारेर दिनदहाडै ठगी हुने गरेको पाइएको छ ।

त्यसपछि हामी आफैं सिनामंगलको सजिलो यातायात प्रालिको काउन्टरमा पुगेर बुझ्दा सरकारी रेटअनुसारकै भाडा र सामानको ३ सय रुपैयाँ अतिरिक्त लाग्ने जवाफ  आयो ।

null

मान्छे जाँदा एउटा लगेजको पनि पैसा लाग्छ र ? भन्ने प्रश्न गर्दा ‘हामीले लिने होइन, गाडीवालाले लिन्छन्’ भन्ने जवाफ आयो ।

संयुक्त यातायात लेखिएको काउन्टरमा गएर बुझ्दा टिकटको १७ सय रुपैयाँ नै पर्ने बताइयो । साथै सामानको अतिरिक्त पैसा पर्ने जवाफ आयो ।

काठमाडौं महानगरपालिले पछिल्लो समयमा यस्ता काउन्टरबाट ठगी भएको भन्दै काठमाडौंबाट बाहिर जाने सवारीका सबै टिकट काउन्टरलाई नयाँ बसपार्क क्षेत्रभित्र सार्न निर्देशन दिएको थियो । तर पनि तिलगंगा र सिनामंगल क्षेत्रमा चलेका काउन्टरहरू यथावत छन्, र यात्रुहरूलाई ठगिरहेको गुनासो व्यापक छ ।

मंसिर २५, २०८०

दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो ।  दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

कात्तिक १८, २०८०

गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ ।  ...

कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

भगवान् भेटिने सूत्र

भगवान् भेटिने सूत्र

असार २९, २०८१

भगवान्‌का कुरा गर्ने धेरै छन् तर भगवान् कस्ता हुन्छन् त्यो भने कसैलाई पनि थाहा छैन । भगवान् कस्ता हुन्छन् भनेर सोध्ने हो भने शायद सबै निरुत्तर नै रहने छन् । हदैभए भगवान् भगवान्जस्तै हुन्छन् भन्नेसम्म फेला पर्ला...

देश पहिले, अनि मात्र सत्ता

देश पहिले, अनि मात्र सत्ता

असार २७, २०८१

बेलायतमा भर्खरै सम्पन्न संसदीय निर्वाचनमा १४ वर्षपछि लेबर पार्टीले तल्लो सदन अर्थात्  'हाउस अफ कमन्स्'मा प्रचण्ड बहुमत हासिल गर्‍यो । ६५० सदस्यीय तल्लो सदनमा लेबर पार्टीले करिब ६३ प्रतिशत अर्थात् ४१२ ...

प्रतिपक्षमा हुत्तिने भएपछि माओवादीमा देखिएको छटपटी र आत्मरति

प्रतिपक्षमा हुत्तिने भएपछि माओवादीमा देखिएको छटपटी र आत्मरति

असार २६, २०८१

प्रमुख सत्ता साझेदार नेकपा (एमाले)ले साथ छोडेपछि प्रधानमन्त्री पुष्पकमल दाहाल ‘प्रचण्ड’ले दुई दिनपछि (असार २८) प्रतिनिधि सभामा विश्वासको मतको सामना गर्दैछन् । ‘विश्वासको मत नपाउने जान्दाजा...

x