गोली लागेर घाइते भएकी एक महिलाको उपचारको क्रममा निधन भएको छ । गत असोज १० गते  काठमाडौंको महाराजगन्जमा गोली लागेर घाइते भएकी शर्मिला चौधरीको उपचारको क्रममा निधन भएको प्रहरीले जनाएको छ ।  उनी पूर्व आईजीपी ध्रुव बहादुर प्रधानको व्यक्तिगत सुरक्षा अधिकृत असई लक्ष्मण चौधरीकी पत्नी भएको प्रहरीको भनाइ छ । 

उनी गोली लागेको अवस्थामा कोठामै भेटिएकी थिइन् भने त्रिवि शिक्षण अस्पतालमा भर्ना गरेर उपचार हुँदै आएको थियो । 

जिल्ला प्रहरी परिसर काठमाडौंका अनुसार शर्मिलाले आफैंलाई गोली हानेको अनुसन्धानबाट निष्कर्ष निकालिएको छ । चौधरी घरमा नभएको बेला कोठामा राखिएको उनले बोक्ने पेस्तोलबाट दुई राउण्ड फायर भएको  बताइएको छ। शर्मिलाको पेटमा  गोली लागेको थियो ।