×

NMB BANK
Dabur

अर्थमा रमिता

अर्थमन्त्री र सचिवको अक्षमता : आधा दर्जन काबिल सहसचिव ४ महिनादेखि बेरोजगार !

काठमाडाैं | मंसिर २१, २०८०

NTC
Premier Steels

अर्थ मन्त्रालयका सहसचिव राजेश्वर ज्ञवाली विगत ४ महिनादेखि जिम्मेवारीविहीन छन् ।

Sagarmatha Cement
Muktinath Bank

ठूला करदाता कार्यालयबाट सरुवा भएर आएका ज्ञवालीले ४ महिनादेखि काम पाउन सकेका छैनन् । कुनै जिम्मेवारी नहुँदा उनी बरन्डामा घाम तापेर बस्न बाध्य छन् । ज्ञवाली अनुभवी तथा काबिल सहसचिवमध्ये एक हुन् ।


Advertisment
RMC TANSEN
IME BANK INNEWS
shivam ISLAND

उनले काठमाडौं महानगरपालिकामा प्रमुख प्रशासकीय अधिकृत, सुदूरपश्चिम प्रदेशको आर्थिक मामिला तथा योजना मन्त्रालय, संघको भौतिक पूर्वाधार तथा यातायात मन्त्रालय र अर्थ मन्त्रालयमै विगतमा संस्थान समन्वय अनि आर्थिक नीति विश्लेषण महाशाखाको नेतृत्व गरिसकेका छन् ।


Advertisment
SBL

त्यसैगरी ज्ञवालीले ठूला करदाता कार्यालय र सार्वजनिक वित्तीय व्यवस्थापन तालिम केन्द्रको समेत सफल नेतृत्व गरिसकेका छन् । दक्षिण कोरिया र इटालीबाट स्नातकोत्तर गरेका ज्ञवालीलाई आर्थिक प्रशासनतन्त्रमा अब्बल प्रशासकको रूपमा लिने गरिएको छ ।

Vianet communication
Laxmi Bank

तर, विगत ४ महिनादेखि अर्थ मन्त्रालयमा उनी बेरोजगार छन् । कार्यालय आउने, हाजिरी गर्ने र घाम तापेर घर फर्किने उनको दैनिकी बनेको छ ।

****

ज्ञवालीजस्तै अर्थ मन्त्रालयकै अर्का सहसचिव महेश आचार्य पनि ३ महिनादेखि जिम्मेवारीविहीन छन् ।

बागमती प्रदेशको आर्थिक मामिला तथा योजना मन्त्रालयको सचिवका रूपमा नेतृत्व गरी तीन महिनाअघि सरुवा भएर अर्थ मन्त्रालयमा हाजिर भएका आचार्य हाजिरी गर्ने, बरन्डामा घाम ताप्ने र गाडी चढेर घर फर्किने गरेका छन् ।

अस्ट्रेलियाबाट स्नातकोत्तर गरेका आचार्य समेत काबिल प्रशासक मानिन्छन् । स्याङ्जा र नवलपरासीमा प्रमुख जिल्ला अधिकारी भएर जिल्ला हाँकेका आचार्यले अर्थ मन्त्रालयमै आर्थिक नीति विश्लेषण महाशाखाको प्रमुख भएर काम गरिसकेका छन् ।

वीरगञ्ज भन्सार कार्यालयको कार्यालय प्रमुख  र बागमती प्रदेशको आर्थिक मामिला तथा योजना मन्त्रालयको सचिव भएर काम गरिसकेका आचार्यलाई मन्त्रालयले काम दिएको छैन ।

......

केही साताअघि अन्य निकायबाट सरुवा भएर हाजिर भएका अन्य तीन सहसचिवले पनि काम पाउन सकेका छैनन् । अख्तियार दुरुपयोग अनुसन्धान आयोगबाट सरुवा भएर आएकी सहसचिव पार्वती शर्मा, कम्पनी रजिष्ट्रार कार्यालयको रजिष्ट्रारबाट सरुवा भएर आएका सहसचिव महेश बराल र लगानी बोर्डबाट सरुवा भई आएका सहसचिव अमृत लम्सालले समेत काम पाउन नसकेका हुन् ।

अर्थमन्त्री डा. प्रकाशशरण महत र अर्थसचिव डा. कृष्णहरि पुष्करको अक्षमताका कारण अनुभवी तथा काबिल प्रशासकहरू कामविहीन बनेका छन् ।

सही व्यक्तिलाई सही स्थानमा पदस्थापन गरी उपलब्ध जनशक्तिलाई परिचालन गर्नुपर्ने जिम्मेवारी पाएका अर्थमन्त्री महत र सचिव पुष्कर आफ्नो जिम्मेवारी पूरा गर्न असफल ठहरिएका छन् ।

राजनीतिक आस्थाका आधारमा मन्त्रीले पूर्वाग्रह राख्दा सहसचिवहरू जिम्मेवारीविहीन हुन पुगेको अर्थ मन्त्रालयकै कतिपय कर्मचारीहरू बताउँछन् ।

अर्थ मन्त्रालयमै प्रशासन महाशाखादेखि सहसचिव नियुक्त हुने मन्त्रालय र निकायका दर्जनौं कार्यालयहरू नेतृत्वविहीन छन् ।

अर्थ मन्त्रालयमा ९ जना सहसचिवको विभिन्न महाशाखामा पदस्थापन हुनेदेखि अन्य आधा दर्जनभन्दा बढी कार्यालयहरूमा सहसचिवको दरबन्दी छ ।

वीरगञ्ज भन्सार कार्यालय, त्रिभुवन विमानस्थल भन्सार कार्यालय, ठूला करदाता कार्यालय, मध्यमस्तरीय करदाता कार्यालय, भन्सार जाँचपास कार्यालय, सार्वजनिक ऋण व्यवस्थापन कार्यालय, आन्तरिक राजस्व विभागको उपमहानिर्देशकसहितका निकायमा सहसचिवलाई पदस्थापन गर्ने गरिन्छ ।

भन्सार जाँचपास कार्यालयमा विगत १ वर्षदेखि सहसचिवको दरबन्दी रिक्त छ । सार्वजनिक ऋण व्यवस्थापन कार्यालयका सहसचिव भूमिराज शर्मा गत कात्तिक १ गतेदेखि सेवानिवृत्त भएपछि त्यहाँ अर्को सहसचिवलाई खटाइएको छैन ।

आन्तरिक राजस्व विभागका उपमहानिर्देशक गोविन्द सुवेदी पनि सेवानिवृत्त भएपछि गत कात्तिक १ गतेदेखि त्यहाँ कुनै सहसचिवलाई पठाइएको छैन ।

अर्थ मन्त्रालयकै प्रशासन महाशाखा प्रमुख रहेका सहसचिव आनन्द काफ्लेको गृह मन्त्रालयमा सरुवा भएपछि प्रशासन महाशाखा रिक्त छ ।

यसरी हेर्ने हो भने विभिन्न निकाय, कार्यालय महिनौंदेखि रिक्त भएपनि अर्थमन्त्री महत र सचिव पुष्करले काबिल सहसचिवहरूलाई ४ महिनादेखि जिम्मेवारीविहीन बनाएका छन् ।

अर्थ मन्त्रालयमा अहिले वित्तीय संघीयता समन्वय महाशाखामा सहसचिव ईश्वरीप्रसाद अर्याल, बजेट तथा कार्यक्रम महाशाखामा सहसचिव उत्तरकुमार खत्री, कानून तथा फैसला कार्यान्वयन महाशाखामा बलसागर गिरीलाई जिम्मेवारी दिइएको छ । गिरी केही दिनअघि मात्र राष्ट्रिय न्यायिक प्रतिष्ठानबाट सरुवा भएर अर्थ मन्त्रालय आएका हुन् ।

त्यसैगरी अर्थ मन्त्रालयका सहसचिव श्रीकृष्ण नेपाललाई अन्तर्राष्ट्रिय आर्थिक सहायता समन्वय महाशाखा, रितेश शाक्यलाई राजस्व व्यवस्थापन महाशाखा, धनीराम शर्मालाई योजना, अनुगमन तथा मूल्यांकन महाशाखाको जिम्मेवारी दिइएको छ । शर्मा मन्त्रालयका प्रवक्ता समेत हुन् ।

केही महिनासम्म जिम्मेवारीविहिन राखेर अहिले सहसचिव भुपाल बराललाई वित्तीय क्षेत्र व्यवस्थापन तथा संस्थान समन्वय महाशाखा प्रमुखको जिम्मेवारी दिइएको छ ।

अर्का सहसचिव बाबुराम सुवेदी आर्थिक नीति विश्लेषण महाशाखा प्रमुखको जिम्मेवारीमा छन् ।

hAMROPATRO BELOW NEWS
NLIC
TATA Below
कात्तिक २७, २०८०

कास्कीको माछापुच्छ्रेका मीनबहादुर गुरुङ असोज २६ गते पूर्वी डोल्पादेखि मुस्ताङ हुँदै सात सय च्याङ्‍ग्रा लिएर आए ।  बागलुङसम्म आउँदा उनले जम्मा ३७ वटा मात्रै च्याङ्ग्राको व्यापार गरे । बागलुङ, पर्वत, कास्क...

पुस ५, २०८०

काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...

माघ ८, २०८०

राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...

कात्तिक २४, २०८०

मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...

कात्तिक २७, २०८०

 तिहारकाे समयमा स्वदेशी पेन्ट्सको प्रयोग गरेर सरकारी निवासहरू चिटिक्क बनाइएको छ । यदि तपाईँ अहिले शीतलनिवासस्थित राष्ट्रपति भवन, बालुवाटारस्थित प्रधानमन्त्री निवास र प्रधान न्यायाधीशको निवासमा पुग्नुभयो...

कात्तिक २४, २०८०

काठमाडौंको सीतापाइलाबाट करिब ४ किलोमिटरभित्र कल्लाबारी पर्छ । ह्वाइट गुम्बा पछाडि नागार्जुन वडा नम्बर ६ मा पर्ने यो ठाउँको दृश्य निकै मनमोहक देखिन्छ ।    हुन पनि डाँडाको एक पाखो पूरै फूलैफूलल...

कहाँ चुक्यौँ हामी ?

कहाँ चुक्यौँ हामी ?

फागुन १९, २०८०

हामी सबैको आकाश एउटै छ । धर्ती एउटै छ । हावा, पानी, माटो एउटै छ । अग्नि, वायु, सूर्य एउटै छ । जन्म प्रक्रिया एउटै छ, मरण प्रक्रिया एउटै छ । जीवन प्रक्रिया एउटै छ, जीवन प्रणाली एउटै छ । मांसपेशी प्रणाली एउटै छ ...

‘कुशासन’- पवित्रतालाई समेत छायाँमा पारेको एक बदनाम शब्दावली

‘कुशासन’- पवित्रतालाई समेत छायाँमा पारेको एक बदनाम शब्दावली

फागुन १७, २०८०

हामीले सुन्दै आएको शब्द ‘कुशासन’को दुई फरक अर्थ हुन्छ । धेरैले राज्य शासनसँग जोडिएको घिनलाग्दो शब्द 'कुशासन' सुन्नुभएकै छ। पूजापाठ वा पवित्र कार्यमा बिछ्याइने कुशबाट बनेको चकटी वा आसनलाई प...

गल्ती दर्शनको सन्देश

गल्ती दर्शनको सन्देश

फागुन १२, २०८०

हामी प्रायः गल्ती गर्नु हुँदैन भन्छौँ, गल्ती हुन्छ कि भनेर डराउँछौँ । आफ्ना नानीहरूलाई पनि यस्तै शिक्षा दिन्छौँ । गल्ती गर्नु राम्रो होइन भन्छौँ, गल्ती गरे दण्ड पाइन्छ भन्ने गर्छौँ, तर गल्ती भन्ने कुरा नै त्यस्तै । नगरौँ...

x