जनता समाजवादी पार्टी (जसपा)ले आगामी वर्ष २०८१ को जेठमा महाधिवेशन गर्ने भएको छ ।

शुक्रवार सकिएको केन्द्रीय कार्यसमितिको बैठकले जेठ २८, २९ र ३० गते धनुषामा पार्टीको महाधिवेशन गर्ने निर्णय गरेको हो । 

ललितपुरको ज्यापु प्रज्ञा भवनमा बसेको बैठकले राजनीतिक तथा सांगठनिक प्रस्तावमाथि पनि छलफल भएको केन्द्रीय प्रसार तथा प्रकाशन विभाग प्रमुख पूर्ण बस्नेतले जानकारी दिए । 

यस्तै जसपाले माघ ३ गते मधेश दिवस र ५ गते वलिदान दिवस मनाउने निर्णय पनि गरेको छ ।