राष्ट्रिय स्वतन्त्र पार्टीका सभापति रवि लामिछानेले देशभरका सहकारी पीडितको न्यायको लागि लड्ने बताएका छन् । 

काठमाडौं ८ सांसद विराजभक्त श्रेष्ठको एक वर्षे कार्यकालको प्रतिवेदन सार्वजनिक कार्यक्रममा रविले यस्तो दाबी गरेका हुन् । 

‘पीडितको आवाज सबैभन्दा चर्को उठाएर आएको म कसरी पीडक ? म खुला छु । लुकेर हिँडेको छैन । संचारकर्मी हुँदा पनि हरेक मान्छेलाई भेट्न सक्ने । धेरैको समस्या समाधान गरेको छु । पानी मुनी गए पनि नछोड्ने भन्दै काम गरेको छु’ उनले भने, ‘मैंले सञ्चारमाध्यम छोडेको डेढ वर्षमा कोही पीडित आएनन् । देशैभरबाट सहकारीका पीडितले एकपटक बोलाउनुहोला । तपाईंहरूको आवाजको लागि लड्न म तयार छु । सिंगो पार्टी तयार छ ।’