आईसीसी पुरुष क्रिकेट विश्वकप लिग २ का खेलहरू एक्सन स्पोर्टस एचडी १ ले प्रत्यक्ष प्रसारण गर्ने भएको छ । 

फेब्रुअरी १५ बिहीवारबाट शुरू हुने नेपाल, नामिबिया र नेदरल्यान्ड्स सम्मिलित त्रिकोणात्मक एक दिवसीय सिरिजका खेलहरू डिश होम एक्सन स्पोर्ट्स एचडी १ ले प्रत्यक्ष प्रसारण गर्ने भएको हो ।

पछिल्लो समय नेपाल र क्यानडाबीचको बाइल्याटरल सिरिजको पनि एक्सन स्पोर्ट्सले प्रत्यक्ष प्रशारण गरेको थियो ।​

बिहीवारदेखि त्रिवि क्रिकेट मैदान कीर्तिपुरमा हुने त्रिकोणात्मक एक दिवसीय सिरिजमा तीनै टोलीले एक अर्कासँग २/२  खेल खेल्नेछन् । ​​​

लिग २ का सबै ६ खेल डिशहोमको एक्सन स्पोर्टस एचडी १ ले प्रत्यक्ष प्रसारण गर्नेछ । त्यस्तै एक्सन स्पोर्टसको युट्युब र डिशहोस गो एपबाट पनि प्रत्यक्ष प्रसारण हुने डिशहोमले जनाएको छ ।​​

कीर्तिपुरस्थित त्रिवि मैदानमा हुने लिगको पहिलो खेल फेब्रुअरी १५ मा नेपाल र नामिबियाबीच हुनेछ । फेब्रुअरी १७ मा नेपाल र नेदरल्यान्ड्स, फेब्रुअरी १९ मा नामिबिया र नेदरल्यान्ड्स, फेब्रुअरी २१ नेपाल र नामिबिया, फेब्रुअरी २३ मा नामिबिया र नेदरल्यान्ड्स तथा फेब्रुअरी २५ मा छैटौं तथा अन्तिम खेल नेपाल र नेदरल्यान्ड्सबीच खेल हुनेछ ।​​​

लिग २ मा नेपाल, नामिबिया, नेदरल्यान्ड्ससहित क्यानडा, ओमान, स्कटल्यान्ड, संयुक्त अरब इमिरेट्स, अमेरिका छन् । लिग २ मा हरेक टोलीले ३६ खेल खेल्नेछन् ।

उक्त सिरिज डिश होमको एक्सन स्पोर्टस एचडी र डिश होम गो एप्समा हेर्न पाइने छ । लिग टू को पहिलो खेलमा नेपालले नामेवियासँग विहीबार १५ फेब्रुअरीमा खेल्ने छ । सबै खेल बिहान सवा ९ बजेदेखि शुरू हुनेछ । तीन वर्षसम्म चल्ने लिग २ का शीर्ष ४ टोलीले सिधै विश्व छनोट खेल्ने पाउनेछ । पुछारका ४ टोलीले भने प्ले अफ खेल्नु पर्ने हुन्छ ।