हङकङमा जारी त्रिकोणात्मक टी–२० आई सिरिजअन्तर्गत पपुवा न्यूगिनी (पीएनजी)विरुद्ध नेपाली ओपनर कुशल भुर्तेलले अर्धशतक पूरा गरेका छन् । उनले ३२ बलमा चार चौका र तीन छक्कासहित अर्धशतक पूरा गरेका हुन् ।

टी–२० आईमा उनको यो आठौँ अर्धशतक हो । योसँगै उनले टी-२० आई करिअरमा १ हजार रन पूरा गरेका छन् ।

पीएनजीविरुद्ध नेपालले तेस्रो विकेटको रूपमा आरिफ शेखलाई ४ रनमा गुमाएको थियो । त्यसअघि विनोद भण्डारी २७ रनको पारी खेलेर आउट भएका थिए । कप्तान रोहित पौडेल एक रन बनाएर आउट भए ।