जोहानेसबर्ग–दक्षिण अफ्रिकामा मे २९ मा हुने नेसनल एसेम्बली र नौवटा प्रान्तीय व्यवस्थापिकाको लागि हुने ८८७ सीटमा प्रतिस्पर्धाका लागि १४ हजार ६६२ उम्मेदवारहरूले नामावली दर्ता गराएको निर्वाचन आयोगले जनाएको छ । 

राजनीतिक दल र स्वतन्त्र उम्मेदवारले पेस गरेको उम्मेदवारको सूची आयोगले मङ्गलवार सार्वजनिक गरेको हो ।  

निर्वाचनका लागि सबैभन्दा ठूलो मतपत्रमा ५६ जना उम्मेदवारहरूको नामावली रहने आयोगले जनाएको छ ।  

दक्षिण अफ्रिकामा कुनै अपराधमा दोषी ठहरिएको र जरिवानाको विकल्पबिना १२ महिनाभन्दा बढी जेल सजाय भएको व्यक्तिले चुनाव लड्न नपाउने कानुनी व्यवस्था छ । 

यसैगरी आइइसीले चुनाव लड्ने उम्मेदवारहरूको अन्तिम सूची अप्रिल १० मा प्रकाशित हुने जनाएको छ ।