प्रतिनिधि सभाका सभामुख देवराज घिमिरेले संसद्को प्रभावकारिता बढाउन पहल गरेका छन् । 

संसदमा देखिएको अवरोध, नयाँ कार्यतालिका र अन्य विषयमा छलफल गर्न उनले प्रमुख दलका सचेतकसँग छलफल गरेका छन् । 

शनिवार बिहान ११ बजे संसद्‌मा प्रतिनिधित्व गर्ने प्रमुख दल नेपाली कांग्रेस, नेकपा एमाले, माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी र जनता समाजवादी पार्टीका प्रमुख सचेतक र सचेतकसँग छलफल थालेका हुन् । 

सिंहदरबारस्थित सभामुखको कार्यकक्षमा छलफल चलिरहेको उनको सचिवालयले जनाएको छ । 

सहकारी ठगी प्रकरणमा संसदीय छानबिन समिति बनाउन अल्टिमेटम दिँदै नेपाली कांग्रेसले आगामी संसद् बैठक अवरुद्ध गर्ने चेतावनी दिएको छ ।