स्वार्थ बाझिएका व्यक्तिलाई मन्त्री नबनाउन माग गर्दै सर्वोच्च अदालतमा रिट दर्ता भएको छ ।

प्रधानमन्त्री तथा मन्त्रिपरिषद् कार्यालय, प्रतिनिधि सभा, राष्ट्रिय सभा, विभिन्न राजनीतिक दललाई विपक्षी बनाएर युवराज सफलले सोमवार रिट दर्ता गराएका हुन् ।

उनले दर्ता गरेको रिटमा चैत २० गते मंगलवार पेशी तोकिएको छ ।

जाहेरी दरखास्त परेका व्यक्तिका सम्बन्धमा पनि प्रधानमन्त्री र प्रहरी प्रमुख समेतले संसद्‌मा प्रतिरक्षा गर्ने अवस्था सृजना भएको रिटमा उल्लेख छ ।

साथै स्वार्थ जोडिएका व्यक्ति मन्त्री बन्न र बनाउन नहुने गरी विपक्षीका नाममा परमादेश गर्न रिटमा सफलले माग गरेका छन् ।