स्पेनिस क्लब बार्सिलोनालाई हराउँदै फ्रेन्च क्लब पेरिस सेन्ट जर्मान (पीएसजी) युरोपेली च्याम्पियन्स लिगको सेमिफाइनलमा प्रवेश गरेको छ । दोस्रो लेगमा ४-१ र समग्रमा ६-४ को जीत निकाल्दै फ्रेन्च टोली अन्तिम चारमा प्रवेश गरेको हो । पहिलो लेगमा ३-२ ले पराजित भएको पीएसजीले दोस्रो लेगमा पुनरागमन गर्न सफल भएको हो । 

खेलको १२औं मिनेटमा बार्सिलोनाले खेलमा अग्रता लिएको थियो । 

२९औं मिनेटमा खेलमा बार्सिलोनाका डिफेन्डर रोनाल्ड आराउहो सोझो रातो कार्ड खाँदै मैदान बाहिरिएपछि खेलको दुई तिहाइ समय १० जनाले खेल्नु परेको थियो ।

पीएसजीले अब फाइनल प्रवेशका लागि बोरुसिया डर्टमुण्डविरुद्ध खेल्नेछ । डर्टमुण्डले एट्लेटिको म्याड्रिड विरुद्ध समग्रमा ५-४ को जित निकाल्दै अन्तिम चारमा प्रवेश गरेको हो ।