नागरिक उन्मुक्ति पार्टीबाट सुदूरपश्चिम प्रदेशको भौतिक पूर्वाधार विकास मन्त्रीमा कैलाश चौधरी नियुक्त भएका छन् । मुख्यमन्त्री दीर्घ सोडारीले बिहीबार चौधरीलाई भौतिक मन्त्रीमा नियुक्त गरेका हुन् । 

बिना विभागीय मन्त्रीको शपथ लिन अस्वीकार गरेका कैलाश भौतिक पूर्वाधार मन्त्रालय दिने सहमति पछि शपथका लागि तयार भएका थिए । उनलाई प्रदेश प्रमुख नजिर मियाँले शपथ ग्रहण पनि गराएका छन् ।

उनीसँगै रहेकी टीका थापा भने शपथ ग्रहण नगराएको भन्दै प्रदेश प्रमुखको कार्यालय बाट बाहिरिएकी थिइन् । उनलाई पनि केही दिन भित्रै शपथ गराउने मुख्यमन्त्री दीर्घ सोडारीलेको तयारी छ । बिहीबारनै मुख्यमन्त्री नियुक्त भएका सोडारीले नागरिक उन्मुक्तिलाई सरकारमा सहभागी गराएर मन्त्रीपरिषद् गठन गरेका हुन् । यद्यपि नागरिक उन्मुक्ति पार्टीमा विवाद कायमै छ ।