नेकपा एमालेका अध्यक्ष केपी शर्मा ओली अस्वस्थ भएका छन् ।

शनिवार महाधिवेशन प्रतिनिधि परिषद्को उद्‌घाटन र राजनीतिक प्रतिवेदन पेश गरेका ओली अस्वस्थ भएपछि आइतवारको बैठकमा उपस्थित भएका छैनन् ।​​

रुघाखोली लागेकाले आइतवारको बैठकमा उपस्थित नभएका उनको सचिवालय स्रोतले जानकारी दियो । 

‘शनिवार लामो समय गोदावरीमा भएको कार्यक्रममा सहभागी हुनुभयो । उहाँलाई हल्का रुघाखोकी लागेको छ । यसैले घरमै आराम गरेर बस्नुभएको छ', ओलीको सचिवालय स्रोतले लोकान्तरसँग भन्यो, ‘उहाँ सहभागी नभएपछि वरिष्ठ उपाध्यक्ष ईश्वर पोखरेलले बैठक चलाउनुभएको छ ।’

शनिवार प्रस्तुत भएका ६ वटा प्रतिवेदनमा ६ वटै समूह बनाएर छलफल भएपछि अहिले निष्कर्ष प्रस्तुत गर्ने काम भइरहेको छ ।

समूहगत छलफलको निष्कर्ष प्रस्तुत भएपछि उपाध्यक्ष पोखरेल र महासचिव शंकर पोखरेलले जवाफ दिनेछन् । त्यसपछि आजै प्रतिनिधि परिषद्को बैठक सकाउने एमालेको तयारी छ ।

आज बैठक सकिएपछि सोमवार एमालेले नेकपा स्थापनाको हीरक महोत्सव मनाउँदै छ ।

यही कार्यक्रमको लागि प्रधानमन्त्री पुष्पकमल दाहाल प्रचण्ड र नेपाली कांग्रेसका सभापति शेरबहादुर देउवालाई पनि वक्ताको रुपमा आमन्त्रण गरिएको छ । 

स्वास्थ्य सुधार भए ओली सोमवारको कार्यक्रममा भने सहभागी हुने उनको सचिवालयले जनाएको छ ।