विशेष अदालतले भुक्तानी प्रणाली (पेमेन्ट गेटवे)मा दोषी ठहर भएका नेपाल टेलिकमका पूर्वप्रवन्ध निर्देशक सुनिल पौडेललाई ९ वर्ष कैद र २३ करोड २७ लाख रुपैयाँभन्दा बढी जरिवाना सुनाएको छ । 

विशेष अदालतका अध्यक्ष टेकनारायण कुँवर र सदस्य मुरारीबाबु श्रेष्ठको इजलासले मंगलबार उक्त फैसला गरेको अदालतका शाखा अधिकृत सागर भण्डारीले जानकारी दिए ।  

सुनिललाई २३ करोड २७ लाख ५८ हजार ७७ रुपैयाँ बिगो र त्यति नै जरिवाना हुने फैसलासमेत सुनाएको हो । 

सुनिलमाथि वैशाख ९ गते दायर गरिएको अर्को मुद्दा पनि विचाराधीन छ । 

अख्तियार दुरुपयोग अनुसन्धान आयोगले सुनिलविरुद्ध गैरकानूनी सम्पत्ति आर्जनसम्बन्धी मुद्दा दायर गरेको थियो ।

उनीविरुद्ध २३ करोड ७५ लाख ४६ हजार ३२४ रुपैयाँ गैरकानूनी सम्पत्ति आर्जन गरेको दाबीसहित विशेष अदालतमा मुद्दा दायर गरिएको हो ।