मंसिर १६, २०८०
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
काठमाडाैं | बैशाख २६, २०८१
नेपाली कांग्रेसले सहकारी ठगी प्रकरणको छानबिनका लागि बन्ने संसदीय समितिको कार्यविधि (टीओआर)मै उपप्रधान एवं गृहमन्त्री रवि लामिछानेको विषय समावेश गर्नु पर्ने अडान लिएको छ । समस्यागस्त समग्र सहकारीको विषयमा संसदीय छानबिन समिति बनाउन सत्तापक्ष तयार रहेपनि टीओआरमै गृहमन्त्रीको विषय समेट्नु पर्ने अडान कांग्रेसले राखेको हो ।
शुक्रवारदेखि शुरू हुने संसद्को अधिवेशन सुचारू गर्न सभामुख देवराज घिमिरेले मंगलवार आयोजना गरेको बैठकमा सत्तापक्षले व्यक्ति विशेषको नाम नतोकी समग्र सहकारीको विषयमा समिति गठन गर्न तयार रहेको बताएको थियो । कांग्रेस संसदीय दलका प्रमुख सचेतक रमेश लेखकले समग्र सहकारी र गृहमन्त्रीमाथि छानबिन गर्ने कुरा टीओआरमै लेख्नु पर्ने आफूहरूको अडान रहेको बताए ।
‘सहकारीका हजारौं बचतकर्ताको रकम जोखिममा परेको छ, बचत हिनामिनामा संलग्नमाथि कारबाही हुनुपर्छ भन्ने हाम्रो भनाइ हो,’ लेखकले प्रश्न गर्दै भने, ‘व्यक्ति विशेषका विरुद्ध लक्षित भयो भन्ने पनि टिप्पणी गरिएको छ, उपप्रधानमन्त्री भनेको व्यक्ति मात्र हो ?’
फागुन २१ गते राजनीतिक समीकरण फेरिएसँगै कांग्रेसले सहकारी ठगीमा लामिछानेमाथि छानबिनको माग चर्काउँदै लगेको छ । कांग्रेसले संसदीय छानबिनको अल्टिमेट दिएपछि सरकारले अधिवेशन नै अन्त्य गरेको थियो ।
२८ गते शुरू हुनेगरी अधिवेशनमा कसरी प्रस्तुत हुने भन्ने विषयमा निर्णय लिन कांग्रेसले बिहीवारका लागि संसदीय दलको बैठक बोलाएको छ । ‘सहकारी ठगीमा रवि लामिछानेमाथि संसदीय छानबिनको अडानबाट हामी कुनै हालतमा पछि हट्दैनौं । वैशाख ३ गते बसेको संसदीय दलको बैठकले गरेको निर्णय नै कांग्रेसको आधिकारिक निर्णय हो,’ कांग्रेसका एक पदाधिकारीले लोकान्तरसँग भने ।
वैशाख २ गते बसेको कांग्रेस संसदीय दलको बैठकले संसदीय छानबिन समिति गठनको अडानमा दृढतापूर्वक उभिइरहने निर्णय गरेको थियो । ‘लाखौं जनताले सहकारीमा जम्मा गरेको अर्बौं रकम हिनामिना भएको र उक्त जनविरोधी अपराधजन्य कार्यमा स्वयं सरकारका मन्त्री संलग्न रहेको विषय घामजस्तै छर्लङ्ग भइसकेको छ,’ कांग्रेस बैठकको निर्णयमा उल्लेख छ ।
जेठ १५ गते वार्षिक बजेट र त्यसअघि राष्ट्रपतिबाट संसद्मा सरकारका नीति तथा कार्यक्रम प्रस्तुत गर्नुपर्ने भएकोले त्यसअघि नै सदनको अवरोध खुलाउन सरकारमाथि दबाब छ । कांग्रेस प्रमुख सचेतकले आफूहरूले यसअघि उठाएको विषयमा अडान यथावत रहेको बताए ।
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...