कोशीमा आजै नयाँ सरकार गठनको आह्वान गर्ने तयारी

कोशी प्रदेशमा आजै नयाँ सरकार गठनका लागि आह्वान गर्ने तयारी भएको छ । 

एमाले–माओवादी केन्द्रले नयाँ सरकार गठनका लागि प्रदेश प्रमुख परशुराम खापुङसमक्ष निवेदन दिएलगत्तै उनले नयाँ सरकार गठनको आह्वान  गर्ने तयारी गरेका हुन् ।

दुई दलले 'कोशीमा नयाँ सरकार गठनको प्रक्रिया अघि बढाइ पाउँ' भनेर निवेदन दिएका थिए । 

प्रदेश प्रमुख खापुङले कार्यालय समयभित्रै नयाँ सरकारका लागि आह्वानको तयारी गरेको उनको सचिवालय स्रोतले जानकारी दियो ।

नयाँ सरकार गठनको आह्वानलगत्तै एमाले र माओवादीलगायत दलले आजै ५ बजेसम्ममा बहुमतसहित दाबी गर्ने तयारी गरेका छन् । 

गत २६ चैतमा एमाले र माओवादीले मुख्यमन्त्री केदार कार्कीलाई दिएको समर्थन फिर्ता लिएका थिए । समर्थन फिर्ता लिएको ३० दिन अर्थात २५ वैशाखसम्म मुख्यमन्त्रीले विश्वासको मत लिएका छैनन् ।

यस्तोमा उनी स्वतः पदमुक्त भएको भन्दै एमाले र माओवादीले नयाँ सरकार गठनको आह्वान गर्न माग गरेका हुन् ।

कोशीमा किचलो: प्रदेश प्रमुख रातारात विराटनगर पुगे, नयाँ रणनीति बनाउँदै विपक्षी दल