कोशी प्रदेशमा नयाँ सरकार गठनविरुद्ध सर्वोच्च अदालतमा परेको रिट दर्ता भएको छ ।

निवर्तमान मुख्यमन्त्री केदार कार्कीले दायर गरेको रिट बिहीबार दर्ता भएको हो । 

रिट निवेदनमा नेपाली कांग्रेसका नेता केदारले अन्तरिम आदेशमार्फत प्रदेश प्रमुखको आह्वानलाई बदर गर्न माग गर्नुका साथै आफूलाई मुख्यमन्त्रीमा निरन्तरता दिन माग गरेका छन् ।

उता केदारको सर्वोच्चमा रिट दर्ता हुँदा कोशीको नयाँ मुख्यमन्त्रीमा एमाले प्रदेश संसदीय दलका नेता हिक्मतकुमार कार्की नियुक्त भइसकेका छन् । हिक्मतले आज (बिहीबार) ५ बजे शपथ तोकिएको छ । आजै दुईजना मन्त्री नियुक्त गर्ने तयारीमा मुख्यमन्त्री रहेका छन् ।