एमाले दाङको अध्यक्षमा आचार्य सर्वसम्मत

नेकपा एमाले दाङको अध्यक्षमा शिवकुमार आचार्य चयन भएका छन् ।  एमाले दाङको १४औं अधिवेशनबाट आचार्यसहित सिंगो जिल्ला कमिटी निर्विरोध चयन गरिएको हो ।
उपाध्यक्षमा मनोहर बुढाथोकी, सचिवमा श्याम डाँगी, उपसचिवमा भुवनेश्वर पौडेल र सीता चौधरी चयन भएका छन् ।

 सम्पूर्ण पदाधिकारी सहित ११९ सदस्यीय जिल्ला कमिटी निर्विरोध निर्वाचित भएको अध्यक्ष मण्डलका संयोजक नरूलाल चौधरीले जानकारी दिए ।

 एमाले महासचिव शंकर पोख्रेलले आइतबार अधिवेशनको उद्घाटन गरेका थिए ।  एमाले जिल्ला अध्यक्षमा अघिल्ला अध्यक्ष हुकुम बस्नेत र सचिव मनोहर बुढाथोकी आकांक्षी थिए । तर, सर्वसम्मत नेतृत्व चयन गर्दा आचार्यलाई अध्यक्ष बनाइएको छ ।