सत्तापक्षीय सांसदको सहयोगमा रोस्ट्रम पुगेर अर्थमन्त्रीले पेश गरे आर्थिक सर्वेक्षण

प्रमुख प्रतिपक्षी दल नेपाली कांग्रेसको अवरोधका बाबजुद अर्थमन्त्री वर्षमान पुनले संसद्मा आर्थिक सर्वेक्षण पेश गरेका छन् । 

सभामुख देवराज घिमिरेले मन्त्री पुनलाई आर्थिक सर्वेक्षण पेश गर्न समय दिएलगत्तै कांग्रेस सांसदहरू नाराबाजी गर्दै वेलमा पुगेका थिए । 

त्यसपछि सभामुखले अर्थमन्त्रीलाई रोस्ट्रममा ल्याउने व्यवस्था गर्न निर्देशन दिए । कांग्रेस सांसदले अवरोध गरेपछि सत्तारुढ नेकपा (माओवादी केन्द्र)का सांसदले घेरेर अर्थमन्त्रीलाई संसद्को रोस्ट्रममा पुर्‍याए । 

जेठ १५ गते संसद्मा बजेट पेश गर्नुअघि अर्थमन्त्रीले आइतबार संसदमा आर्थिक सर्वेक्षण पेश गरेका हुन् ।