फागुन ५, २०८०
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
काठमाडौं, १७ असार–मौसम पूर्वानुमान महाशाखाले आज (आइवार) दिनभर देशका केही ठाउँमा १०७ मिलिमिटरसम्म वर्षा हुने पूर्वानुमान गरेको छ । न्यून चापीय रेखा नेपालनजिकै आइपुगेकाले केही दिन भारी वर्षा हुने महाशाखाले पूर्वानुमान गरेको छ ।
महाशाखाका अनुसार आइतवार बिहानैदेखि देशका प्रदेश नम्बर १, २ र ४ का अधिकांश जिल्लामा भारी वर्षा शुरु भएको छ । यस्तै प्रदेश नम्बर ३ का सिन्धुली, धादिङ सहितका जिल्लामा पनि आइतवार बिहानैदेखि वर्षा शुरु भएको मौसमविद् समीर श्रेष्ठले लोकान्तरलाई बताए ।
मौषमविद् श्रेष्ठका अनुसार आइतवार राति देशका प्रायः सबै ठाउँमा भारी वर्षा हुने सम्भावना छ । आज साँझदेखि प्रदेश नम्बर ५ र ७ का जिल्लामा भारी बर्सात शुरु हुने महाशाखाले पूर्वानुमान गरेको छ ।
आइतवार साँझ प्रदेश नम्बर ५ को बाँके, बर्दिया, दाङ र सल्यानमा भारी वर्षा हुने मौसम पूर्वानुमान महाशाखाले अनुमान गरेको छ ।
प्रदेश १ र ३ का पहाडी जिल्लामा आइतवार बिहानैदेखि बर्सात शुरु भएको छ । आइतवार अपराह्नदेखि प्रदेश २ का बारा, पर्सा र रौतहट तथा प्रदेश १ का तराईका जिल्लामा पनि भारी वर्षा हुने महाशाखाको पूर्वानुमान छ ।
तराईका जिल्लामा बाढी र डुबानको जोखिम
आइतवार बिहानैदेखि शुरु भएको वर्षाका कारण तराईका जिल्लामा बाढीसँगै डुबानको जोखिम बढेको छ । ऊर्जा, जलस्रोत तथा सिँचाइ मन्त्रालय मातहतको बाढी पूर्वानुमान शाखाका अनुसार आइतवार बिहानदेखि शुरु भएको वर्षाले देशका १० वटा नदीमा पानीको बहाव बढेको छ ।
शाखाले कन्काई, कोशी, कमला, बाग्मती नारायणी, पश्चिम राप्ती, बबई, कर्णाली र महाकाली नदीमा पानीको बहाव बढ्न शुरु भइसकेको जनाएको छ ।
कमला नदीको जलाधार क्षेत्रमा भारी वर्षा भइरहेकाले सिरहा र धनुषा जिल्लाका केही क्षेत्रमा बाढीको जोखिम रहेको बाढी पूर्वानुमान शाखाले जनाएको छ ।
यस्तै महाभारत र चुरे पर्वत श्रृंखला भएर बग्ने विरिङ, कन्काई, कमला, खाँडो, गागन, रातु, बागमती, पूर्वी राप्ती, रिउखोला, वाणगंगा, पश्चिम राप्ती, बबई लगायत नदीमा पानीको बहाब बढेर शतर्कता तहसम्म पुग्ने बाढी पूर्वानुमान शाखाले जनाएको छ ।
कस्तो छ विपद् व्यवस्थापनको तयारी ?
देशका पहाडी जिल्लामा पहिरो र तराईका जिल्लामा बाढी तथा डुबानको जोखिम बढिरहेका बेला सरकारले पनि सम्भावित विपद्को व्यवस्थापनका लागि तयारी तीव्र पारिएको जनाएको छ ।
गृहमन्त्रालय मातहतको विपद् व्यवस्थापन महाशाखाका प्रमुख सह–सचिव केदार न्यौपानेले सम्भावित विपद् व्यवस्थापन र विपद्पछिको उद्दार र राहतका लागि सम्पूर्ण रूपमा तयारी अवस्थामा रहेको बताए ।
‘सकेसम्म विपद्पूर्व नै संभावित विपदका घटनाबारे नागरिकलाई सूचित गराएर क्षति कम गर्ने तयारीमा छौं,’ सह–सचिव न्यौपानेले लोकान्तरसँग भने, ‘विपद्लाई रोक्न सकिन्न । घटना भइसकेको अवस्थामा तत्काल उद्दारमा खटिन र उद्दार पछि राहत वितरणलाई प्रभावकारी बनाउन सम्पूर्ण रूपमा तयारी अवस्थामा बसेका छौं ।’
न्यौपानेका अनुसार वर्षाको समयमा हुने विपदका दृष्टिकोणाले बढी जोखिमपूर्ण मानिएका ठाउँमा परिचालन हुन सुरक्षाकर्मीसहित उद्दारकर्मीको टोली तयार भइसकेको छ । विपद्पछिको उद्दारका लागि स्थानीय तहका जनप्रतिनिधिको संयोजकत्वमा उद्दार टोली परिचालन हुनेछ ।
राहत बाँड्न ३ अर्ब रुपैयाँ तयार !
सरकारले तराईका जिल्लामा बाढी तथा डुबान र पहाडी जिल्लामा पहिरोबाट हुने सम्भावित क्षतिपछि प्रभावितहरूलाई अल्पकालीन राहत वितरणका लागि ३ अर्ब रुपैयाँ छुट्याएको छ ।
गृह मन्त्रालयका सह–सचिव न्यौपानेका अनुसार सम्भावित विपद्बाट प्रभावित हुने नागरिकलाई तत्काल राहत वितरण गर्न केन्द्रीय दैवी प्रकोप उद्दार समितिको कोषमा ३ अर्ब रुपैयाँ जम्मा छ ।
उक्त कोषबाट तत्काल आवश्यक राहतका लागि खर्च गर्न सकिने न्यौपानले बताए ।
सम्भावित बाढी, पहिरो र डुबान प्रभावितहरुलाई अल्पकालीन रूपमा वितरणका लागि ७ वटै प्रदेशमा राहत सामग्री तयारी अवस्थामा राखिएको न्यौपानेको भनाइ छ ।
एम्बुलेन्सदेखि हेलिकप्टरसम्म तयारी अवस्थामा
सरकारले ७ वटै प्रदेशमा सम्भावित बाढी–पहिरो र डुबानबाट प्रभावितहरूलाई तत्काल उद्दार गर्न हेलिकप्टरदेखि एम्बुलेन्सलाई तयारी अवस्थामा राखिएको जनाएको छ ।
आपतकालीन उद्दारका लागि नेपाली सेनाका ३ वटा हेलिकप्टरलाई जतिसुकै बेला पनि ‘मुभ’ हुने गरी तयारी अवस्थामा राखिएको गृह मन्त्रालयका सह–सचिव केदार न्यौपानेले बताए । थप हेलिकप्टर आवश्यक परे सेनासहित निजी कम्पनीका हेलिकप्टर पनि परिचालन गर्न सकिने न्यौपानेको भनाइ छ ।
यस्तै तराईका जिल्लामा बाढी तथा डुबानबाट हुने मानवीय क्षतिलाई कम गर्न सबै स्थानीय तहमा कम्तिमा एउटा एम्बुलेन्ससहित उद्दारका लागि आवश्यक पर्ने गाडीसहितका साधन तयारी अवस्थामा राखिएको न्यौपानले बताए ।
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
भनिन्छ– मरिसकेपछि पुगिने स्वर्ग कस्तो हुन्छ थाह छैन तर जिउँदै स्वर्ग हेर्न मन लागे रारा जानु । कर्णाली प्रदेशको मुगु जिल्लामा अवस्थित रारा ताललाई धर्तीको भूस्वर्गका रुपमा चित्रण गरिन्छ । राराको सुन्दरता, हावाप...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...