कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
फागुन १४, २०७५
पोखरा – आफूलाई सहसचिव बताउँदै प्रहरी र जनप्रतिनिधिलाई समेत झुक्याउँदै हिँडेका एक व्यक्ति पोखरामा पक्राउ परेका छन् ।
राष्ट्रिय बाल अधिकार संरक्षण समिति कार्यालयको सहसचिव भएको बताउँदै प्रहरी र जनप्रतिनिधिलाई ठगी गरेको आरोपमा जिल्ला प्रहरी कार्यालय कास्कीले इलामका १७ वर्षीय सन्देश रम्तेललाई पक्राउ गरेको हो ।
लेकसाइडको एक होटलबाट उनलाई पक्राउ गरिएको प्रहरीले जनाएको छ । प्रहरीले रम्तेलसहित उनका सवारी चालक संगम राईलाई समेत पक्राउ गरेको छ ।
राष्ट्रिय बाल अधिकार संरक्षण समितिको सहसचिव भन्दै विभिन्न जिल्लामा प्रहरीलाई झुक्याएको र होटल तेन्जिङ हिलारीमा खाएको ३५ हजार रुपैयाँ नतिरेको आरोपमा प्रहरीले उनलाई पक्राउ गरेको छ ।
उनले रातो नम्बर प्लेटको स्कोरपिओ भाडामा लिएर बा२झ १६६३ नम्बरको सेतो (सरकारी) नम्बर प्लेटको दुरुपयोग गरेको जिल्ला प्रहरी कार्यालयका प्रवक्ता डीएसपी रविन्द्र गुरुङले बताए । ‘आफूलाई सहसचिव भएको बताउँदै गाडीको नम्बर प्लेट समेत नक्कली बनाएर चलाएको अवस्थामा हामीले पक्राउ गरेका छौं,’ उनले भने, ‘रम्तेलको साथबाट अन्य कागजात समेत फेला परेका छन् । आजै पत्रकार सम्मेलन गरी सार्वजनिक गर्छाैं ।’ रम्तेलले २ दिनका लागि २५ हजार रुपैयाँमा गाडी भाडामा लिएर सेतो नम्बर प्लेट राखेको खुलेको छ ।
यसअघि रम्तेलले गत माघमा लेकसाइडको तेन्जिङ हिलारी होटलमा २ कोठा बुक गरेर बसेको समेत प्रहरी अनुसन्धानबाट खुलेको छ । रम्तेल र उनका चालकले प्रहरीलाई दिएको बयान अनुसार उनी जुन ठाउँमा पुग्छन्, त्यहीँ ठाउँमा प्रहरी कार्यालयमा फोन गरेर आफू सहसचित भएको बताउँदै बाटोमा एस्कर्टिङ माग गर्दै आएका थिए ।
यसअघि उनलाई तनहुँमा प्रहरीले एस्कर्टिङ गरेको थियो । उनीहरूलाई कास्की प्रहरी, वडा प्रहरी कार्यालय बैदाम, जिल्ला प्रहरी कार्यालय पर्वत र जिल्ला प्रहरी कार्यालय कार्यालय मुस्ताङले समेत सुरक्षा दिएको प्रहरीले जानकारी दिएको छ ।
रम्तेलले आइतवार आफूलाई सहसचिव बताएर पोखरा महानगरपालिकाबाट १० लिटर इन्धनको कुपन समेत लिएका थिए । उनले उपमेयर मञ्जुदेवी गुरुङलाई भेटेर गुरुङकै सिफारिसमा १० लिटरको कुपन लिएको प्रहरीसँग बयान दिएका छन् ।
लेकसाइडमा होटल सञ्चालकलाई रम्तेलले पैसा नतिरेपछि उनले प्रहरीलाई उजुरी गरेका थिए । उजुरीका आधारमा प्रहरीले उनलाई पक्राउ गरेको छ । सहसचिव बताउँदै ठगी गर्ने रम्तेलमाथि आवश्यक अनुसन्धान गरिरहेको प्रहरीले जनाएको छ ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...