धनगढी – सुदूरपश्चिम प्रदेशसभा आफ्नो हिउँदे अधिवेशनको उत्तरार्धमा पुुगेको छ ।

अधिवेशनको २१ औं बैठकसम्म पुुग्दा बैठकको काम कारवाहीबारे अवलोकन अथवा रिपोर्टिङ गर्न पुुग्ने जोकोही नयाँ अवलोकनकर्ता एवं संवाददातालाई आजभोलि एउटा अन्योलले सताउन थालेको छ ।

नेकपाको दुईतिहाइ बहुुमत रहेको प्रदेश सभामा बोल्ने प्रत्येक प्रदेशसभा सदस्यको बोली एउटै अर्थात् ‘सरकारको विरोध’ले को सत्तापक्ष वा को प्रतिपक्ष भनेर छुुट्याउनै नसकिने देखिएको छ ।

सोमवारको बैठकबाट प्रदेशसभा सदस्य बाहिरिएपछि एक संवाददाताले सत्तापक्षीय प्रदेशसभा सदस्यलाई कटाक्ष गर्दै भने, ‘होइन माननीयज्यूू कहिलेदेखि हो जय नेपालको अभिवादन गर्न थालेको ?’ अनि जवाफ फर्काउँदै उनले भने, ‘हामी जनताको प्रतिनिधि हो । जनताको आवाज बोल्नुुपर्ने होइन र ?’

शुरूवाती चरणमा सत्तापक्षीय प्रदेशसभा सदस्यले प्रदेश सरकार, संघीय सरकारको खुलेरै बचाउ गर्थे । तर आजभोलि सरकार तथा मन्त्रालयका गतिविधि, काम कारवाहीको खुलेरै विरोध गर्न थालेका छन् । सरकारका प्रवक्ता एवं आन्तरिक मामिला तथा कानूनमन्त्री प्रकाशबहादुुर शाहले समेत संघीय सरकारको विरोध गर्दै आएका छन् ।

उनले प्रदेश प्रहरीको सवाल र सीडीओको प्रदेश प्रहरीको कमाण्डको सवाललाई लिएर संघीय सरकारप्रति असन्तुष्टि जनाउँदै आएका हुुन् ।

सोमबार बसेको प्रदेश सभा बैठकमा पनि सत्तापक्षीय प्रदेशसभा सदस्यले प्रदेश सरकारको खुलेरै टिप्पणी गर्न भ्याए ।

बैठकको विशेष समयमा नेकपाका प्रदेशसभा सदस्य अक्कल रावलले भने, ‘राज्य केन्द्रकृत शासनतर्फ उन्मुख भएको आभास भएको छ । संघीयताको अभ्यासमा पनि विना हतियार युुद्ध लड्न पठाइएको छ । यहाँका बजेट तथा कार्यक्रम पनि कसैको निजी स्वार्थमा रुमल्लिएको छ ।’

नेकपाकी प्रदेशसभा सदस्य पू्र्णा जोशीले पनि प्रदेशभित्रैकै विभेद र उत्पीडनलाई नियाल्न नसकेको बताइन् । उनले भनिन्, ‘प्रदेश नम्बर २ मा भएको आँधीहुुरीले दुुःखदायी अवस्था सिर्जना गर्‍यो । जसमा प्रदेश सरकारले १ करोड राहत दिएर सहकार्यात्मक संघीयताको उदाहरण दियो । तर प्रदेशभित्र पनि गत वर्षकै चट्याङ, अग्नि, असिनापानी पीडित छन् । तिनीहरूलाई हालसम्म पनि उपेक्षा गर्न पाइन्छ ? सरकार मौन छ । तत्काल डेटलाइन तोकेर वितरण गर्नुुपर्छ ।’

चिरैचरै पर्वलाई सम्बोधन गर्न माग

नेकपाकी अर्का प्रदेशसभा सदस्य चुुनकुुमारी चौधरीले संघीय सरकारको अगाडि प्रदेश सरकार निरीह भएको आशय व्यक्त गरिन् । प्रमुख अस्पतालको रुपमा रहेको सेती अञ्चल अस्पताललाई प्रदेश सरकार व्यवस्थापन गर्न नसकेको उनको भनाई थियो ।

विशेष समयमा बोल्दै प्रदेशसभा सदस्य चौधरीले आदिवासी थारु, रानाथारु समुदायमा महिला स्वतन्त्रताको प्रतीकको रुपमा चैत र वैशाखमा मनाइने चिरैचरै पर्वलाई प्रदेश सरकारले विशेष रुपमा लिनुुपर्ने धारणा राखिन् । उनले पर्वमा विशेष कार्यक्रम गर्नुुपर्नेका साथै स्थानीय बिदा उपलब्ध गराउनुुपर्ने समेत माग राखिन् ।

प्रदेश लोकमार्ग विधेयक पारित

भौतिक पूर्वाधार मन्त्री पठानसिंह बोहराले सुुदूूरपश्चिम प्रदेश लोकमार्ग विधेयकलाई दफावार छलफलको लागि पेश गरेका थिए । बैठकबाट सो विधेयक अर्थ विकास तथा प्राकृतिक स्रोत समितिमा पठाउने निर्णय समेत गरिएको छ ।