फूटबल खेलाडीलाई मैदानमै लडायो चट्याङले (भिडियो)

काठमाडौं – जमैकामा भइरहेको एक फूटबल म्याचमा चट्याङ परेपछि कैयौं खेलाडीहरूलाई उपचार गर्नुपरेको छ । 

वुल्मर्स बोयज स्कूल र जमैका कलेजबीच सोमवार भएको म्याच सकिन लाग्दा चट्याङ परेको थियो । 


Advertisement

घटनाको फूटेजमा चट्याङ परेपछि दुईजना खेलाडी घुँडा मारेर बसेको र टाउको समातेको देखिन्छ । 

त्यसपछि पनि म्याच चालू रहन्छ तर अन्य खेलाडी र प्रशिक्षकहरूले खेलाडीलाई गाह्रो भएको थाहा पाएर सहायता गर्न दौडिन्छन् । 

पाँचजना खेलाडीलाई अप्ठ्यारो परेपछि रेफ्री कार्ल टाइरेलले खेल बन्द गरेका थिए । 

जमैका कलेजका टेरेन्स फ्रान्सिस र वुल्मरका ड्वेन एलेनलाई निकै चोट लागेको र उनीहरूलाई युनिभर्सिटी हस्पिटल अफ द वेस्ट इन्डीजमा उपचारका लागि लगिएको थियो । 

एलन उपचारपछि घर फर्किएको अनि फ्रान्सिस अस्पतालमा निको भइरहेको बताइएको छ ।

एजेन्सी
 

कमेन्ट गर्नुहोस्