अनुगमन टोली पुगेपछि दरबारमार्गमा भागाभाग, सटर लगाएर भागे पसले !

प्रेम चन्द
प्रेम चन्द

पत्रकार चन्द लोकान्तरका लागि आर्थिक तथा समसामयिक विषयमा रिपोर्टिङ गर्छन् । 

काठमाडौं– सरकारी अनुगमन टोली अनुगमनका लागि दरबारमार्ग पुग्दा यहाँका पसलेहरू पसल नै बन्द गरेर भागेका छन् ।

बिहीवार दरबारमार्गस्थित शेर्पा मलका पसले तथा कर्मचारीहरू पसल बन्द गरेर भागेका हुन् । 


Advertisement

मलभित्रका ग्यारेज, सिल्हौटी, अटुम लगायतका अधिकांश पसलहरू बन्द गरेर पसलेहरू भागेका अनुगमन टोलीका संयोजक कपिल रेग्मीले जानकारी दिए ।

केही पसलेहरू भागे पनि आफ्नो अनुगमन नरोकिने संयोजक रेग्मीले बताए ।


Advertisement

यसअघि सो अनुगमन टोलीले दरबारमार्गस्थित सामसुङ मोबाइल डिलर्समा अनुगमन गरेको छ । तर, त्यहाँ कुनै पनि कैफियत नपाइएको अनुगमन टोलीले जनाएको छ । 

विभागले केही दिनदेखि निरन्तर गरिरहेको अनुगमनमा अधिकांश व्यवसायीले पसल दर्ता नगरी सञ्चालन गरेको भेटिएको छ भने केहीले मूल्यसूची नराखेको पाइएको छ ।

दरबारमार्गमा बन्द भएका पसलहरू पनि विनादर्ता नै चलिरहेको र मूल्यसूची पनि नराखेकाले भागेका हुन सक्ने संयोजक रेग्मीको आशंका गरे ।

बन्द गरिएका पसलहरूमा भोलि नै अनुगमन गरिने संयोजक रेग्मीको भनाइ छ । 

प्रेम चन्द
प्रेम चन्द

लेखकबाट थप...

कमेन्ट गर्नुहोस्