उखु उत्पादन गरी बिक्री गरेको ६ वर्षसम्मको भुक्तानी नपाएपछि आन्दोलनका लागि काठमाडौं आइपुगेका सर्लाहीका किसानले सरकारसँगको वार्तामा ११ बुँदे माग अघि सारेका छन् ।

उद्योग, वाणिज्य तथा आपूर्ति मन्त्री लेखराज भट्ट, मन्त्रालयका सचिव लगायतको उपस्थितिमा बुधवार भएको वार्तामा किसानहरूले ६ वर्षदेखि रोकिएको भुक्तानी तत्काल दिनुपर्ने, सरकारी अनुदान विनाशर्त किसानको खातामा उपलब्ध हुनुपर्ने लगायतका ११ माग अघि सारेका हुन् ।

शनिवारदेखि राजधानीको माइतीघर मण्डलामा भेला भएर आन्दोलन गर्दै आएका किसानहरू उद्योग मन्त्रीले बोलाएपछि बुधवार वार्ताका लागि मन्त्रालय पुगेका हुन् ।

वार्तामा उखु किसान संघर्ष समिति सर्लाहीको तर्फबाट ११ बुँदे माग पेश गरिएको हो ।

चिनी मिलका तर्फबाट उद्योगीहरूले वर्षौंदेखि भुक्तानी नदिँदा कृषकहरू मारमा छन् । सरकारले उपलब्ध गराउने भनेको अनुदान रकम समेत कृषकले पाउन सकेका छैनन् ।

हेर्नुहोस्, उखु किसानका मागहरू :