बझाङ प्रदेश सभा १ मा एमालेको दमन भण्डारी विजयी भएका छन् ।

कांग्रेस उम्मेदवार अभिषेक सिंहलाई २६७ मतले पराजित गर्दै भण्डारी विजयी भएका हुन् । अघिल्लोपटक यो क्षेत्रमा कांग्रेस विजयी भएको थियो । तर उपनिर्वाचनमा कांग्रेस पराजित भएको हो । 

भण्डारीले ११ हजार ६१३ र कांग्रेसका सिंहले ११ हजार ३४६ मत प्राप्त गरे ।

२०७९ को चुनावमा  मा यो क्षेत्रबाट कांग्रेसका पृथ्वीबहादुर सिंह ३ हजार ३६९ मतान्तरले विजयी भएका थिए ।

तर सुदूरपश्चिम प्रदेशमा मन्त्री भएकै बेला कार दुर्घटनामा परी सिंहको निधन भएपछि उपनिर्वाचन भएको हो । उपनिर्वाचनमा कांग्रेसले सिंहकै छोरा अभिषेकलाई उम्मेदवार बनाएको थियो । तर उनी पराजित हुन पुगे ।

गत स्थानीय तहको निर्वाचनमा सिंह वडा अध्यक्षमा उठ्दा तेस्रो हुन पुगेका थिए ।

माओवादी केन्द्रका जनकबहादुर बुढाले ३ हजार ८३१ र चौथो भएको नेकपा एकीकृत समाजवादीका दिलबहादुर सिंहले २ हजार ५१४ मत प्राप्त गरेका छन् ।

कसले कति मत ल्याए ?