प्रहरी र विप्लव कार्यकर्ताबीच मुठभेट, प्रहरीको गोली लागेर एक जना घाइते

जेठ ७, २०७६

    भोजपुर–टेम्केमैयुङ गाउँपालिका–१ तिम्माको धोद्रे जङ्गलमा प्रहरी र नेत्रविक्रम चन्द(विप्लव) समूहका कार्यकर्ताबीच मुठभेट भएको छ । 

    आज दिउँसो भएको मुठभेटमा प्रहरीको गोली लागेर षडानन्द नगरपालिका–२ कुदाककाउले घर भएका सो समूहका कार्यकर्ता तीर्थराज घिमिरे घाइते भएका प्रमुख जिल्ला अधिकारी नुरहरि खतिवडाले जानकारी दिए । 


ADVERTISEMENT

    घिमिरेको खुट्टामा गोली लागेको छ । घिमिरलाई उपचारका लागि धरान पठाइएको प्रजिअ खतिवडाले जानकारी दिए । 
 घिमिरेको साथबाट हतियारसमेत फेला परेको बताइएको छ । सो ठाउँ छिनामखु र खोटाङको केपलासगढी गाउँपालिकाको सीमा क्षेत्रमा पर्दछ । विप्लव समूहका कार्यकर्ताले प्रहरीमाथि फायर गरेको र जवाफी कारवाहीमा घिमिरेलाई गोली लागेको प्रजिअ खतिवडाले बताए । 

    हतियारधारी समूह त्यहाँबाट जङ्गलको बाटो हुँदै भागेको बताइएको छ । 

जेठ ७, २०७६ मा प्रकाशित

प्रतिक्रिया दिनुहोस