काठमाडौं – सरकारले केही दिनयताको अविरल वर्षा र बाढीपहिरोका कारण भएको धनजनको क्षतिप्रति गम्भीर बन्दै तत्काल राहत उपलब्ध गराउने निर्णय गरेको छ ।

आइतवार दिउँसो बसेको मन्त्रिपरिषद् बैठकले मृतकका परिवार, घाइते र घरवारविहीनलाई तत्काल राहत उपलब्ध गराउने निर्णय गरेको हो ।

बैठकले पुलहरू भत्किएर यातायात अवरुद्ध भएका स्थानमा तत्काल बेलीब्रीज बनाउने निर्णय समेत गरेको एक मन्त्रीले जानकारी दिए ।

तीन दिनदेखिको वर्षा र त्यसका कारण सिर्जित बाढीपहिरोमा परी ६० जनाले ज्यान गुमाइसकेका छन् । अन्य २६ जना बेपत्ता छन् ।