काठमाडौं– गैरआवासीय नेपाली संघ(एनआरएनए)को मतगणनास्थल बाहिर  हाल हालाहालकाे अवस्था भएको छ । अध्यक्षका प्रत्यासी कुमार पन्त र कुल आचार्यका समर्थकबीच मध्यराति हात हालाहाल भएको हो । 

अध्यक्षका प्रत्यासी कुल आचार्य र उनका प्रतिनिधिलाई मतगणना भएको स्थलमा छिर्न नदिएको निहुँमा भएको विवाद कुटाकुटको अवस्थामा पुगेको थियो । उनीहरुले नाराबाजी गर्दै तोडफोडको प्रयास गरेपछि दुई पक्षीय झडप हुन पुगेको थियो । 
झपडपछि प्रहरीले हस्तक्षेप गर्नुपरेको थियो । तनावका कारण केहीबेर मतगणना नै प्रभावित बन्न पुगेको थियो । 

पटक पटकको विवादका कारण प्रभावित हुँदै आएको एनआरएनको मतगणना सुस्त बनेको छ । अहिलेसम्म ११०० मत गनिएको भएपनि कसले कति मत प्राप्त गरे भन्नेबारे कुनै सार्वजनिक गरिएको छैन ।