कात्तिक २४, २०८०
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
विश्व अर्थव्यवस्थाले बेलाबेलामा आर्थिक उतारचढावको सामना गर्दै आएको छ । अर्थतन्त्रका क्रियाकलापहरू स्वतन्त्र नभै अन्तरसम्बन्धित, संवेदनशील, एकअर्काप्रति प्रतिक्रिया जनाउने खालका पनि हुन्छन् । आर्थिक संकट आउँदा आर्थिक क्रियाकलापहरू लगानी, उत्पादन, आपूर्ति श्रृंखला र मूल्य संरचनालाई उथलपुथल पार्दछ । वित्तीय संस्थाहरूमा तरलता अभाव, लगानीकर्ता र व्यवसायीमा ऋण क्षमताको अभाव, उपभोक्तामा क्रयशक्तिको अभाव र यी क्रियाकलापहरूबीचको गुणक प्रभावले अर्थतन्त्रमा मन्दी आउन पुग्छ । यस अवस्थामा उच्च बेरोजगारी, गिर्दो जीवनस्तर, सार्वजनिक वित्तको कमजोर अवस्था, बढ्दो ऋण र सम्पत्तिको मूल्यमा तीव्र गिरावटका लक्षणहरू देखिन सक्छन् । विश्व अर्थतन्त्रमा यस्ता संकटहरू निश्चित दशकका अन्तरालमा देखिँदै आएका हुन् । केही ठूला आर्थिक संकट भने लामो अवधिपछि देखिँदै आएका छन् ।
प्रश्न उठ्न सक्छ, के कारणले आर्थिक संकट निम्तिन्छ ? यसका कारण यी वा यतिमात्र हुन् भन्न सकिँदैन । इतिहासका कालखण्डमा कमजोर शासकीय क्षमता, बजार असफलता र यसका विकृति, रोजगरीमा आउने अस्वाभाविक परिवर्तन, जनस्वास्थ्य महामारी, सामाजिक बिग्रह र द्वन्द्व, युद्ध, क्षेत्रीय तनाव, पूँजी बजारको अतिसक्रियताजस्ता कारणले विश्वअर्थतन्त्रले आर्थिक संकट व्यहोर्दै आएको छ । अर्थतन्त्रहरूबीच अन्तरआबद्धता बढी राष्ट्रिय अर्थतन्त्र विश्व अर्थतन्त्रको अभिन्न भाग बनेकाले आर्थिक संकटको प्रभाव र फैलावट पछिल्ला घटनामा बढी हुँदै गएको छ ।
इतिहासमा व्योहोरोरिएका केही आर्थिक संकटलाई उल्लेख गर्दा सन् १९३० को महान मन्दी अग्रभागमा आउँछ । स्टक बजारमा आएको उच्च गिरावट (जसलाई ‘ब्ल्याक ट्युज्डे’ भनिन्छ) को विस्तारकारी प्रभाव पर्न गै रोजगारीमा पच्चिस प्रतिशत, वैदेशिक व्यापारमा पचास प्रतिशत र आर्थिक उत्पादन पन्ध्र प्रतिशत झर्न गयो । अर्थतन्त्रहरू यसरी थाङ्थिलो भयो की कतिपय अर्थतन्त्र तङ्ग्रिन दोस्रो विश्वयुद्धसम्म संघर्ष गर्दै थिए, तर अर्को महासंकट दोस्रो विश्व युद्धमा विश्व नै होमियो । ठूलो धनजनको क्षति भयो, पूर्वाधार र आर्थिक संरचनाहरू ध्वस्त भए, उत्पादन एवं आपूर्ति प्रणाली छिन्नभिन्न भयो, बेरोजगारी ह्वात्त बढ्न गयो र समाजमा आर्थिक असुरक्षाको भावना फैलियो । युद्धको मानवीय लागत पनि निकै धेरै देखियो । युद्धबाट क्षतविक्षत अर्थतन्त्रको पुननिर्माणका लागि मार्शल प्लानमार्फत संयुक्तराज्य अमेरिकाले कार्ययोजना ल्यायो, संयुक्त राष्ट्रसंघले ‘डेभलपमेन्ट विन्ड्यो’ खोल्यो, पुननिर्माणका लागि अन्तराष्ट्रिय वैंक (आइवीआरडी)/विश्व वैंक, मुद्रा कोष लगायतका विश्व संस्थाहरू सक्रिय भए । यसपछि विकासमा विश्व साझेदारीका मुद्दाले अन्तर्राष्ट्रिय कार्यसूची पाउँदै गए । अमेरिकाजस्तै शोभियत संघ पनि विश्व आर्थिक शक्तिका रूपमा उदाउन पुग्यो । तर बढ्दो शीतयुद्धका कारण दुई ध्रुवमा विभाजित विश्व व्यवस्थामा बेलावखत आर्थिक धक्का लागि नै रह्यो । यो क्रम नब्बेको दशकमा शोभियत संघको विघटन र बर्लिनको पर्खाल नढलेसम्म जारी रह्यो ।
सत्तरीको दशकको तेल संकटले अर्को आर्थिक संकटको सामना विश्व समुदायले गर्नुुपर्यो । १९७३ मा तेल निर्यातक देशहरूको संगठन ओपेकले इजिप्ट र सिरियाको दबाबमा क्यानाडा, अमेरिका लगायतका पश्चिमी शक्ति (जसले इजरायललाई समर्थन गर्दथे) लाई तेल प्रतिबन्ध लगायो । यसले एकातर्फ तेल उत्पादनमा नै कमी भै तेलमा आधारित अर्थतन्त्रका मुलुकहरू आर्थिक सङ्कुचनमा परे, अर्कोतर्फ अमेरिका लगायत प्रमुख औद्योगिक अर्थतन्त्रले तेलको अभावमा आर्थिक गतिविधि कटौती गर्न बाध्य भए । परिणाम विश्वमन्दीको स्थितिमा पुग्यो । उच्च बेरोजगारी, न्यून उत्पादन र उच्च मूल्यको मार विश्वभरि पर्न गयो ।
सन् २००८–०९ मा विश्वले अर्को आर्थिक संकट सामना गर्नुपर्यो, जुन वित्तीय संस्थाको कमजोर सुशासनको कारण थियो । कमजोर धितोका कारण जोखिममा परेका अमेरिकी बैंक तथा वित्तीय संस्थाहरू धरासायी भै त्यसको असर विश्वका प्रमुख पूँजी बजारहरू (जापान, चीन, हङकङ् आदि) हँुदै युरोपमा समेत पर्न गयो । यसबाट बेरोजगारी व्यापक बढ्न गयो, उत्पादन स्वात्तै घट्न गयो र पूँजी प्रवाह प्रतिकूल भयो । २०१० मा डड फ्र्याङ्क वालस्ट्रिट सुधार योजना र उपभोक्ता संरक्षण कानूनमार्फत अमेरिकाले वित्तीय संकट समाधान गर्ने रणनीति ल्यायो, जसलाई विश्वव्यापी तरलता संयन्त्र ‘वासेल–३ स्टाण्र्डड’ ले सघाउन पुग्यो । एसियाका साना अर्थतन्त्रहरू स्थानीय आर्थिक संरचना निर्माणमार्फत बाह्य वित्तीय झट्का सहन गर्ने क्षमता ‘सक एब्जर्विङ् क्यापासिटी’ निर्माणमा लागे ।
भरखरै बिदा भएको २०१९ को आर्थिक परिसूचक हेर्दा विश्व आर्थिक संकटतर्फ कत्ति पनि अभिमुख थिएन । बेरोजगारीका दर घट्दै थिए, अन्तर्राष्ट्रिय मूल्य स्थिति पनि सुध्रिँदै थियो । तेलको मूल्य घट्दै थियो । संसारकै ठूलो अमेरिकी अर्थतन्त्रमा साम सूचक ‘०’ मा थियो । चीन, भारतजस्ता उदीयमान अर्थतन्त्रहरू विश्व अर्थमानचित्रमा आफ्नो दह्रिलो उपस्थितिका लागि आपसी सहकार्य सहितको प्रतिस्पर्धा रणनीतिमार्फत एक्काइसौं शताब्दीलाई एसियाको शताब्दी बनाउन तल्लीन थिए । चीन विश्वको पहिलो र भारत तेस्रो अर्थतन्त्र बन्ने अभियानमा सफलताका नजिकै पुगिसकेका थिए । उत्पादन, बजार विस्तार, प्रविधि ग्रहण, रोजगारी र अरू अर्थतन्त्रसँगको आबद्धता एवं सहकार्यको स्तरले एसियाली शताब्दी र उदीयमान दुवै अर्थतन्त्रको अपेक्षा करीब पूरा हुँदै थिए । विश्व वैंक, अन्तर्राष्ट्रिय मुद्रा कोष, एसियाली विकास बैंक लगायत अन्य क्षेत्रीय आर्थिक संगठन र अनुसन्धाताहरू आर्थिक वृद्धि र विकास प्रवृत्तिलाई सहज अनुमान गरिरहेका थिए । केबल एकै चिन्ता थियो– विश्वव्यापी मौन संकटका रूपमा देखिएको साझा चुनौती जलवायु परिवर्तनलाई थेग्ने र अनुकूलित हुने (क्लाइमेट रिजिलिएन्ट) अर्थतन्त्रको निर्माण कसरी गर्ने ?
तर २०१९ को पछिल्ला दिन शुभ रहेनन् । चीनको औद्योगिक शहर वुहानमा देखिएको कोभिड–१९ को संक्रमण एसिया, युरोप र अमेरिका हुँदै विश्वका सबै मुलुकहरूलाई भयभित बनाइसकेको छ । ठूलो जनआवादी भएका मुलुकहरू, जसको विश्व अर्थतन्त्रमा पनि उल्लेख्य हिस्सा छ, लकडाउनको स्थितिमा छन् । शहर, बजार, उत्पादन केन्द्र निःशब्द हुन थालेका छन् । मानवीय सुरक्षा र दैनिकी निकै अकल्पनीय रूपमा दयनीय बनेको छ । समृद्धि र नवसिर्जनामा प्रतिस्पर्धा गर्नुपर्ने समाज कसरी मानव जीवनको सुरक्षा गर्ने भन्ने साहराको खोजीमा टुहुरो बनेको छ । चाहेर पनि महासंकटमा आफन्तलाई सहयोग गर्न सकिएको छैन । मानवीय संवेदनामा आँसु समेत झार्न नसक्नेगरी मानवतामाथि एकसाथ अदृश्य आक्रमण भएको छ । विज्ञान, प्रगति र आविस्कार एकसाथ अपर्याप्त भएको छ ।
कोभिड–१९ को पहिलो असर जनस्वाथ्यमा देखिए पनि यसले आर्थिक, सामाजिक सबै आयामलाई एकसाथ प्रभाव पार्ने निश्चित छ । मुलुकहरू अहिले संक्रमणविरुद्ध साझा रूपमा लडिरहेका छन्, यसको आर्थिक प्रभावको अनुमान गर्न सकिने अवस्था पनि छैन । प्रभावहरू देख्य र अदेख्य हुन्छन्, प्रत्यक्ष र अप्रत्यक्ष पनि हुन्छन् । ब्रिज वाटरको अनुमानमा अमेरिकी आम्दानीमा ४ खर्ब डलरले र अन्तर्राष्ट्रिय व्यापारमा १२ अर्ब डलरले कमी आउने छ । युरोप, एसिया, अष्ट्रेलिया र अफ्रिकन मुलुहरूको यस्तो अध्ययन नभएपनि स्वाभाविक अनुमान गर्नसकिन्छ । यस महामारीको संक्रमणले आर्थिक संरचना, उत्पादन सम्बन्ध, आपूर्ति श्रृंखला र पूँजी गतिशीलतालाई क्षतविक्षत् गर्ने सम्भावना छ । यसको प्रभाव उत्पादन, बेरोजगारी र मूल्यवृद्धिमा देखिने छ । सबैभन्दा ठूलो प्रभाव मानव पूँजी, सामाजिक सम्बन्ध र मनोविज्ञानमा देखिँदै छ । त्यसैले कोभिड–१९ आर्थिक संकट मात्र रहेन, यो सम्पूर्ण मानव सभ्यतामाथिको संकट बन्ने सम्भावना छ । यति विस्तृत आयाममा प्रभाव पर्ने संकट मानव समुदायले यसअघि कहिल्यै सामना गर्न परेको थिएन । यसका आप्mटरसक असरहरू केही वर्षसम्म रहने छन् ।
विश्व इतिहासमा अर्थव्यवस्थामा मात्र होइन, मानव सभ्यतालाई नै चुनौती दिने थुप्रै संकट आइपरेका छन् । तर बढ्दो जनआवादी, मानव गतिशीलता र विश्वव्यापीकरणका कारण पछिल्ला चुनौती ओजनदार अनि चुनौतीप्रद देखिन थालेका छन् । यस्ता संकटको समाधानमा पनि बहुसंयन्त्र र सामूहिक प्रयत्नको खाँचो पर्ने देखिएको छ । एक्काइसौं शताब्दीमा विज्ञान र प्रविधिले गरेको विकासले पनि समाधान विधिलाई सरल बनाएको छ । यस अवस्थामा अन्यत्र लाञ्छाना लगाउने वा प्रायश्चित गर्ने होइन, साझा संकल्प, सचेतना र सक्रियता चाहिन्छ । चीनले आफू समस्याबाट माथि उठेको सन्देश दिइसक्यो, र त्यहाँको दैनिकी सामान्य बन्दैछ । कलकारखाना र व्यवसाय सञ्चालनमा आउन थालेका छन् । यसले अब छिट्टै ऊ आप्mनो समृद्धिको अभियानलाई निरन्तरता दिन सफल रहने अनुमान गर्न सकिन्छ । दक्षिण कोरिया र जापानका पनि सफलताका सिकाइहरू छन् ।
अन्य मुलुकलाई उनीहरूको अनुभव र प्रविधिको सहयोग आवश्यक छ । यो अवस्था हतास लिने होइन, संवेदनशील सक्रियता देखाउनुपर्ने समय हो । युवा दार्शनिक युभल नोह हरारीले ठीकै भने, ‘भाइरस विरुद्धको लडाईंमा मानिसले आफ्ना सीमानालाई सजग भएर नियन्त्रण गर्न आवश्यक छ तर राष्ट्र–राष्ट्रबीचको नभई भाइरस र मानवताबीचका लागि हुनुपर्छ ।’ संक्रमणलाई परास्त गरेपछि पनि आर्थिक–सामाजिक पुनःनिर्माणको साझा दायित्व सहकार्यबाट नै सम्भव गरिनु पर्दछ । त्यसपछि पनि यस शताब्दीका अरू साझा दायित्वहरू छन्, जस्तो ‘डिजिटल डिक्टेटरसीप’ ले विश्व अर्थतन्त्रलाई क्याप्चर गर्दैछ । कृत्रिम बौद्धिकताले विवेक र बौद्धिकतामाथि धावा बोल्दैछ । जलवायु परिवर्तन आममानव जातिमात्र होइन, अन्य प्रजातिका लागि मौन संकटका रूपमा भित्रिँदैछ । विकास निमानवीकृत बनेकाले मानव आकृति र समन्याय सहितको समृद्धिका लागि साझा अभियान लड्नु नै छ । यी सबै साझा संकट समाधान गर्ने विधि र संयन्त्रका लागि सहकार्य र साझा संयन्त्रको आवश्यकता छ । ([email protected])
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
मखमली फुल्दा, मार्सी धान झुल्दा बहिनी आउने छिन्, दैलाको तस्वीर छातीमा टाँसी आँसु बगाउने छिन् .....। हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...
कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...