कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
बैशाख २०, २०७७
सत्तारुढ दल नेपाल कम्युनिस्ट पार्टी (नेकपा)मा पछिल्लो केही समययता देखिएको विवाद नेताहरूको आत्मआलोचनासँगै तत्कालका लागि टरेको छ ।
प्रधानमन्त्री निवास बालुवाटारमा शनिवार बसेको बैठकमा नेताहरूले आत्मआलोचना गर्दै आ-आफ्नो तर्फबाट भएका कमीकमजोरीको जिम्मेवारी लिने बताएको प्रवक्ता नारायणकाजी श्रेष्ठ प्रकाशले जानकारी दिए ।
'पार्टी, सरकार र सम्बन्धित पक्षबाट के कति कमी कमजोरी भएका छन्, सबैले आ-आफ्नो हकको जिम्मेवारी लिँदै आत्मआलोचित भएर अघि बढ्ने संकल्प बैठकमा नेताहरूले गर्नुभएको छ,' प्रवक्ता श्रेष्ठले भने, 'पार्टी अध्यक्ष एवं प्रधानमन्त्री कमरेड केपी शर्मा ओलीले पनि आत्मआलोचना गर्दै आफ्नो हकको जिम्मेवारी लिने बताउनुभएको छ ।'
पार्टीको नीति निर्देशनअनुसार सरकार सञ्चालन गर्ने र सरकारले पनि जनपक्षीय काम गर्दै दृढतापूर्वक अघि बढ्ने निर्णय भएको प्रवक्ता श्रेष्ठले जानकारी दिए ।
साथै बैठकले पार्टी एकतालाई थप मजबुत बनाउने र पार्टी एकतामा सबै पक्ष दृढ रहने निर्णय पनि गरेको छ । त्यसैको संकेतस्वरुप आज दुवै अध्यक्ष केपी शर्मा ओली र पुष्पकमल दाहाल 'प्रचण्ड'लाई समानान्तर कुर्सीको व्यवस्था समेत गरिएको थियो ।
'हाम्रो पार्टीको आन्तरिक जीवनमा देखा परेका समस्या र संकटहरूलाई समाधान गर्नेगरी एकताबद्ध भएर पार्टी एकतामा दृढ रहने, पार्टी एकतालाई रक्षा गर्ने र सुदृढ बनाउने तथा एकतालाई कमजोर पार्ने र पार्टीलाई फूटउन्मुख गराउने कुनैपनि क्रियाकलापमा सामेल नहुन पार्टी पंक्तिलाई निर्देशन दिने निर्णय पनि भएको छ,' प्रवक्ता श्रेष्ठले सञ्चारकर्मीमाझ भने ।
यससँगै प्रधानमन्त्रीको राजीनामा मागिरहेका उनीइतर पक्षका नेताहरू पनि तत्कालका लागि चुप लागेका छन् ।
वामदेवलाई प्रतिनिधि सभामा, माधव नेपाल अध्यक्ष बन्ने च्याप्टर 'क्लोज'
बैठकले पार्टी उपाध्यक्ष वामदेव गौतमलाई उपयुक्त समयमा प्रतिनिधि सभाको उम्मेदवार बनाउने निर्णय गरेको छ ।
'सचिवालयले पार्टीका उपाध्यक्ष कमरेड वामदेव गौतमलाई उपयुक्त समयमा प्रतिनिधि सभा उम्मेदवार बनाउने र त्यसका लागि पहल गर्ने निर्णय गरेको छ,' बैठकपछि प्रवक्ता श्रेष्ठले भने ।
प्रतिनिधि सभामा आएपछि प्रधानमन्त्री बन्ने ध्येय पनि स्वाभाविक रूपमा यसमा रहेको प्रवक्ता श्रेष्ठले प्रस्ट पारे ।
सचिवालयको अघिल्लो बैठकमा नेकपा अध्यक्ष एवं प्रधानमन्त्री ओलीले उपाध्यक्ष गौतमलाई कोरोनासंकट टरेपछि प्रधानमन्त्री बनाउने प्रस्ताव गरेका थिए ।
संघीय संसद्को सदस्य नरहेको अवस्थामा कसरी प्रधानमन्त्री बनाउने भन्ने सबाल चौतर्फीरूपमा उठेको थियो ।
राष्ट्रिय सभामा लैजाने हो भने प्रधानमन्त्री बन्न संविधान संशोधन गर्नुपर्ने हुन्छ, प्रतिनिधि सभामा लैजानका लागि उपनिर्वाचन आवश्यक पर्छ ।
अब उपनिर्वाचन हुने संकेत नेकपाको निर्णयले गरेको छ, त्यसका लागि पार्टीका कुनै एक सांसदले राजीनामा दिएर मार्गप्रशस्त गर्नुपर्ने हुन्छ ।
अघिल्लो बैठकमै प्रधानमन्त्रीले पार्टी वरिष्ठ नेता माधवकुमार नेपाललाई तेस्रो अध्यक्ष बनाउने गरी गरेको प्रस्ताव भने यसै तुहिएको छ ।
आजको बैठकले यससम्बन्धी कुनै निर्णय नगरेको प्रवक्ता श्रेष्ठले बताए । नेता नेपाल स्वयंले यसमा अनिच्छा प्रकट गरेका थिए ।
२५ गते स्थायी कमिटी बैठक
बैठकले यही वैशाख २५ गते काठमाडौंमा नै बस्नेगरी स्थायी कमिटी बैठक समेत बोलाएको छ ।
स्थायी कमिटी बैठकका एजेण्डा तय गर्न त्यसको एकदिन अघि अर्थात् वैशाख २४ गते सचिवालय बैठक समेत बस्ने प्रवक्ता श्रेष्ठले जानकारी दिए ।
आफू अल्पमतमा रहेको स्थायी कमिटी बैठक बोलाउन आनाकानी गरिरहेका प्रधानमन्त्री ओली तत्कालको संकट टरेपछि बैठक बोलाउन सहमत भएका हुन् ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...