मंसिर ४, २०८०
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
कोरोनाभाइरस (कोभिड १९) को महामारीका बीच आर्थिक वर्षको शुरूआती महिनामा राजस्व संकलनको स्थिति सकारात्मक देखिएको छ ।
सरकारले असार र साउन महिनामा निषेधाज्ञा खुकुलो बनाएका कारण राजस्व संकलन लक्ष्यकै हाराहारीमा भएको हो ।
कोरोना भाइरसको महामारी रोकथाम तथा न्यूनीकरणका लागि भन्दै सरकारले गत चैत ११ गतेदेखि असार ७ गतेसम्म पूर्णरूपमा मुलुकमा लकडाउन गरेको थियो, जसबाट आर्थिक अवस्था अत्यन्तै नाजुक बनेको सरकारी निकायहरूले नै बताउँदै आएका थिए ।
तत्पश्चात सरकारले स्वास्थ्य सुरक्षा मापदण्ड निर्धारण गरी उद्योग तथा कलकारखाना सञ्चालन गर्ने निर्णय असार १ गते गरेको थियो । साउन ७ गतेदेखि मुलुकमा लकडाउन अन्त्य गरिएको थियो ।
बीचको दुई महिना (असार र साउन) मा उद्योगधन्दा एवं व्यापार व्यवसाय सञ्चालनमा आउँदा राजस्व संकलन सहज भएको सरकारी निकायहरूले बताएका छन् ।
कुल लक्ष्यको ७ प्रतिशत राजस्व संकलन
महालेखा नियन्त्रक कार्यालयको तथ्यांकअनुसार सरकारले आइतवार (भदौ ७) सम्ममा ७५ अर्ब ३ करोड ९५ लाख रुपैयाँ राजस्व संकलन गरेको छ, जुन अनुमानित लक्ष्यको ७ प्रतिशत हो । सरकारले चालू आर्थिक वर्ष २०७७/०७८ मा १० खर्ब ११ अर्ब ७५ करोड ८४ लाख रुपैयाँ राजस्व संकलन गर्ने लक्ष्य लिएको छ ।
सरकारको कर राजस्वको अनुमानित वार्षिक लक्ष्य ९ खर्ब १२ अर्ब ९४ करोड ९० लाख रुपैयाँ रहेको छ । समीक्षा अवधिमा सरकारले ६४ अर्ब ३६ करोड ३३ लाख रुपैयाँ कर राजस्व संकलन गरेको छ ।
यस अवधिमा सरकारले कर बाहेकका अन्य क्षेत्रबाट २ अर्ब ३६ करोड १० लाख रुपैयाँ राजस्व संकलन गरेको छ ।
साउनमा उठ्यो ५.८१ प्रतिशत राजस्व
सरकारले साउन महिनामा मात्रै ५.८१ प्रतिशत राजस्व संकलन गरेको छ ।
महालेखा नियन्त्रक कार्यालयका अनुसार साउन ३२ गतेसम्ममा सरकारले ६६ अर्ब ६२ करोड ४७ लाख रुपैयाँ आम्दानी गरेको छ, जसमध्ये ५८ अर्ब ८१ करोड ४८ लाख रुपैयाँ राजस्व संकलन भएको छ ।
समीक्षा अवधिमा सरकारले कुल लक्ष्यको ५.८१ प्रतिशत राजस्व संकलन गरेको छ । जसमध्ये कर राजस्व मात्रै ५६ अर्ब ५५ करोड ६४ लाख रुपैयाँ संकलन भएको छ ।
विषम परिस्थितिका बीचमा कुल लक्ष्यको ७ प्रतिशत राजस्व संकलन हुनु सकारात्मक रहेको महालेखा नियन्त्रक कार्यालयका सह–महालेखा नियन्त्रक एवं प्रवक्ता ज्ञानेन्द्र पौडेलले लोकान्तरसँग बताए ।
उनले भने, ‘कोरोनाभाइरसका कारण सिर्जना भएको विषम परिस्थितिका बीच शुरूआती महिनामा ७ प्रतिशत राजस्व संकलन हुनु निकै सकारात्मक कुरा हो ।’
‘विषम परिस्थितिमा राजस्व संकलन सन्तोषजनक’
ठूला करदाता कार्यालयले आर्थिक वर्षको पहिलो महिनामा करीब १३ अर्बको हाराहारीमा राजस्व संकलनको लक्ष्य राखेको थियो ।
उसले यस अवधिमा करीब साढे १२ अर्ब हाराहारीमा राजस्व संकलन गरेको ठूला करदाता कार्यालयका प्रमुख कर अधिकृत शिव शर्माले लोकान्तरलाई जानकारी दिए ।
‘हामीले साउनभरिमा समग्र लक्ष्यको ६ प्रतिशत जति राजस्व संकलन गर्न सक्यौं,’ उनले भने, ‘असार र साउनमा व्यवसाय केही खुकुलो हुँदा राजस्व संकलन सहज भएको हो ।’
ठूला करदाता कार्यालयले चालू आर्थिक वर्षको अन्तिमसम्ममा २ खर्ब ५ अर्ब (२ सय ५ अर्ब) रुपैयाँ राजस्व संकलन गर्ने लक्ष्य राखेको छ ।
यता आन्तरिक राजस्व विभागले चालू आर्थिक वर्षको पहिलो महिनामा ३४ अर्ब ८० करोड रुपैयाँ राजस्व संकलन गरेको छ ।
विभागका उप–महानिर्देशक मुक्तिप्रसाद पाण्डेले अघिल्लो आर्थिक वर्षको पहिलो महिनामा जस्तै यस वर्षको पहिलो महिनामा राजस्व संकलन भएको लोकान्तरलाई बताए ।
उनले भने, ‘असार र साउनमा लकडाउन खुकुलो हुँदा राजस्व संकलनको अवस्था सकारात्मक बनेको छ ।’
उनका अनुसार, विभागले यस आर्थिक वर्षमा ४ सय ५० अर्ब राजस्व संकलन गर्ने लक्ष्य लिएको छ ।
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...