गण्डकी प्रदेशमा कोरोना संक्रमितहरुको संख्या शनिबार ३४ सय नाघेको छ ।

शनिबारमात्रै प्रदेशमा ६६ जना कोरोना संक्रमणका बिरामी फेला परेका हुन् । यो सहित प्रदेशमा कुल संक्रमित संख्या ३ हजार ४ सय २ पुगेको प्रदेश स्वास्थ्य निर्देशनालयले जनायो । 

जसअनुसार पोखरामा थप १३ जनामा कोरोना संक्रमण देखा परेको छ ।  तीमध्ये २ महिला र ११ पुरुष छन् ।  

यसैगरी, नवलपुरमा ४५ तनहुँ ३, स्याङ्जा र पर्वत २–२ र लमजुङका १ जनामा संक्रमण पुष्टि भएको प्रदेश स्वास्थ्य निर्देशक डा. विनोदबिन्दु शर्माले जानकारी दिए ।

गण्डकीमा संक्रमितमध्ये २ हजार ५७ जना निको भइसकेकोमा ३२ जनाले ज्यान गुमाए ।