मनाङ जोड्ने चामे–बेंसीशहर सडकको दुर्दशा

प्रतिकात्मक तस्वीर

हिमाली जिल्ला मनाङ जोड्ने एक मात्र बेंसीशहर–चामे सडकखण्ड महिनौंदेखि अवरुद्ध छ ।

अविरल वर्षासँगै आएको बाढी पहिरोले यस सडकखण्डको झण्डै लमजुङतर्फको ३५ किलोमिटर सडक सबैजसो पहिरो र बाढीले क्षतविक्षत बनाएको छ । 


Advertisement

कतिपय ठाउँमा स्थानीय सरकारको पहलमा सडक डिभिजनले सडक मर्मत गरी सञ्चालनमा ल्याएको थियो । तर पानी फेरि परेपछि पुल तथा सडक मर्मत गर्न सकिएको छैन ।

जिल्लाभित्रका केही ठाउँमा यातायात चले पनि कतिपय ठाउँमा भने अझै सञ्चालन हुन सकेको छैन । 


Advertisement

कोरोना महामारीले प्राय सवारीसाधान आवतजावत ठप्प भए पनि खाद्यान्नलगायत अत्यावश्यक सामग्री ढुवानीका लागि सवारीसाधान भने सञ्चालन भएका छन् । मनाङ जाने सडक पूर्णरूपमा सञ्चालनमा नआउँदा ठाउँठाउँमा पल्टी गर्दै ल्याउने लाने गर्नुपर्ने बाध्यता छ । यसरी सामान खरीद गर्दा एक त ढुवानी महंगो परेको छ भने समयमा सामग्री आइपुग्दैन । बल्लतल्ल आएको सामान पनि अधिकांश बिग्रिने गरेका छन् । 

कर्मचारी बिरामी र सर्वसाधारणसमेत जोखिम मोलेर हिँड्न बाध्य छन् । पुलसमेत बनाउन नसक्दा फड्केबाट यात्रा गर्नुपर्ने अवस्था पनि उस्तै छ । एक जना मात्रैले फड्केबाट यात्रा गर्नसमेत असहज भएको स्थानीय बताउँछन् । फड्के समात्ने समूह नभए मनाङको यात्रा गर्न सक्ने अवस्था छैन ।

कमेन्ट गर्नुहोस्